ಹೈಟೆನ್ಷನ್‌ ತಂತಿ ಹರಿದು ರೈತ, ಇಬ್ಬರು ಮಕ್ಕಳು ಸಾವು

Team Udayavani, Sep 14, 2019, 3:00 AM IST

ಕುಷ್ಟಗಿ: ಕೊಪ್ಪಳದ ಬಿಸಿಎಂ ಹಾಸ್ಟೆಲ್‌ನಲ್ಲಿ ವಿದ್ಯುತ್‌ ತಂತಿ ಸ್ಪರ್ಶಿಸಿ ಐವರು ವಿದ್ಯಾರ್ಥಿಗಳು ಮೃತಪಟ್ಟ ಘಟನೆ ಮಾಸುವ ಮುನ್ನವೇ ಕುಷ್ಟಗಿ ತಾಲೂಕಿನ ಚಳಗೇರಾದಲ್ಲಿ ಶುಕ್ರವಾರ ವಿದ್ಯುತ್‌ ತಂತಿ ಹರಿದು ಬಿದ್ದು, ರೈತ ಸೇರಿ ಮಕ್ಕಳಿಬ್ಬರು ಮೃತ ಪಟ್ಟಿದ್ದಾರೆ. ಚಳಗೇರಾದ ಹೊರವಲಯದ ನಂದಿಹಾಳ ರಸ್ತೆ ಯಲ್ಲಿರುವ ಮೃತರ ಜಮೀನಿನಲ್ಲಿ 11 ಕೆ.ವಿ. ಹೈಟೆನ್ಷನ್‌ ವಿದ್ಯುತ್‌ ತಂತಿ ಹಾದು ಹೋಗಿದೆ. ಇದರ ಅಪಾಯ ಅರಿ ಯದೇ ಗುರುವಾರ ವಿದ್ಯುತ್‌ ತಂತಿ ಕೆಳಗೆ ಸೂರ್ಯ ಕಾಂತಿ ರಾಶಿ ಮಾಡಲಾಗಿತ್ತು.

ಶುಕ್ರವಾರ ಬೆಳಗ್ಗೆ ರೈತ ಹನು ಮಪ್ಪ, ಪತ್ನಿ ಶಿಲ್ಪವ್ವ ಟ್ರ್ಯಾಕ್ಟರ್‌ನಲ್ಲಿ ಸೂರ್ಯಕಾಂತಿ ಕಾಳು ತುಂಬುತ್ತಿದ್ದರು. 4 ವರ್ಷದ ಪ್ರಿಯಾಂಕ ಹಾಗೂ 2 ವರ್ಷದ ಬೀರಪ್ಪ ಟ್ರ್ಯಾಕ್ಟರ್‌ ಟ್ರಾಲಿಯಲ್ಲೇ ಆಟವಾಡುತ್ತಿದ್ದರು. ಈ ವೇಳೆ ವಿದ್ಯುತ್‌ ತಂತಿ ತುಂಡಾಗಿ ಟ್ರ್ಯಾಕ್ಟರ್‌ ಮೇಲೆ ಬಿದ್ದಿದ್ದು, ಹನುಮಪ್ಪ ಹಾಗೂ ಮಕ್ಕಳು ಮೃತಪಟ್ಟಿದ್ದಾರೆ. ಶಿಲ್ಪವ್ವ ವಿದ್ಯುತ್‌ ತಂತಿ ಬಿದ್ದಾಗ ಟ್ರ್ಯಾಕ್ಟರ್‌ ಟ್ರಾಲಿಯಿಂದ ಕೆಳಗಿಳಿಯುತ್ತಿದ್ದ ಕಾರಣ ಕಾಲಿಗೆ ಸುಟ್ಟ ಗಾಯಗಳಾಗಿವೆ. ಮೃತರ ಪತ್ನಿ ಹಾಗೂ ಕುಟುಂಬದವರ ಆಕ್ರಂದನ ಮುಗಿಲು ಮುಟ್ಟಿತ್ತು.