ಸಂಜನಾ-ಅಜೀಜ್‌ ನಡುವೆ ಮದುವೆ?

Team Udayavani, Sep 11, 2020, 1:11 AM IST

ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆದ ಫೋಟೋ.

ಬೆಂಗಳೂರು: ಸಂಜನಾ ಅವರು ಡಾಕ್ಟರ್‌ ಅಜೀಜ್‌ ಪಾಷಾ ಜತೆಗೆ ಲಿವ್‌ಇನ್‌ ಸಂಬಂಧದಲ್ಲಿ ಇದ್ದಾರೆ ಎಂಬಂತಹ ಸುದ್ದಿಯೊಂದು ಇತ್ತೀಚೆಗೆ ಕೇಳಿಬಂದಿತ್ತು. ಆದರೆ, ಇದೀಗ ಅವರಿಬ್ಬರೂ ಮದುವೆಯಾಗಿದ್ದಾರೆ ಎಂಬುದನ್ನು ಸಮರ್ಥಿಸುವ ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಈ ಹಿಂದೆ, ಸಂಜನಾ ತನಗೆ ಮದುವೆ ಯಾಗಿಲ್ಲ ಎಂದಿದ್ದರು. ಆದರೆ, ಡ್ರಗ್ಸ್‌ ಕೇಸ್‌ನಲ್ಲಿ ಅವರ ಹೆಸರು ಕೇಳಿ ಬಂದು ಬಂಧನವಾಗುತ್ತಿದ್ದಂತೆಯೇ ಆಕೆ ಅಜೀಜ್‌ ಪಾಷಾ ಎಂಬ ಹೃದ್ರೋಗ ತಜ್ಞರ ಜತೆಗೆ ಲಿವ್‌ ಇನ್‌ ರಿಲೇಷನ್‌ ಶಿಪ್‌ನಲ್ಲಿದ್ದರು ಎಂಬ ಸುದ್ದಿ ಬಂದಿತ್ತು. ಕೆಲವು ತಿಂಗಳ ಹಿಂದೆ ತೆಲುಗು ಚಾನೆಲೊಂದರ ಟಾಕ್‌ಶೋನಲ್ಲಿ ಮಾತನಾಡಿದ್ದ ಸಂಜನಾ, ತಾನು ವೈದ್ಯರೊಬ್ಬರನ್ನು ಪ್ರೀತಿಸುತ್ತಿರುವುದಾಗಿ ಹೇಳಿಕೊಂಡಿದ್ದರು. ಈಗ ಅವರ ಮದುವೆಯದ್ದು ಎಂದು ಹೇಳಲಾಗುತ್ತಿರುವ ಫೋಟೋವೊಂದು ವೈರಲ್‌ ಆಗುತ್ತಿದೆ.