ಮತದಾನಕ್ಕೆ ಕರೆದೊಯ್ಯುತ್ತಿದ್ದ ಆಟೋಗೆ ಲಾರಿ ಢಿಕ್ಕಿ:ಮಹಿಳೆ ದುರ್ಮರಣ

Team Udayavani, May 12, 2018, 3:10 PM IST

ಹಾಸನ: ಮತದಾನಕ್ಕೆ ಕರೆದೊಯ್ಯುತ್ತಿದ್ದ ಆಟೋ ರಿಕ್ಷಾಕ್ಕೆ ಲಾರಿ ಢಿಕ್ಕಿಯಾಗಿ ಮಹಿಳೆ ದಾರುಣವಾಗಿ ಸಾವನ್ನಪ್ಪಿ, ಇನ್ನೋರ್ವ ಮಹಿಳೆ ಗಂಭೀರವಾಗಿ ಗಾಯಗೊಂಡಿರುವ ದುರ್ಘ‌ಟನೆ ಬೇಲೂರು ರಸ್ತೆ ರಾಮೇನಹಳ್ಳಿ ಗೇಟ್‌ ಬಳಿ ನಡೆದಿದೆ. 

ಲಕ್ಷ್ಮಮ್ಮ  46 ಮೃತ ದುರ್‌ದೈವಿಯಾಗಿದ್ದು,ಗಾಯಾಳು ಮಹಿಳೆಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇನ್ನೂ 10 ಮಂದಿ ಸಣ್ಣ ಪುಟ್ಟ ಗಾಯಳಿಂದ ಪಾರಾಗಿದ್ದಾರೆ. 

ಬೇಲೂರು ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. 

ಬೈಕ್‌ ಅವಘಡ ; ಮತದಾನಕ್ಕೆ ತೆರಳುತ್ತಿದ್ದ ವ್ಯಕ್ತಿ ಸಾವು 

ಹೊಳೇನರಸೀಪುರದ ಸುಂಕನಹಳ್ಳಿ ಯಲ್ಲಿ ಬೈಕ್‌ ಹಸುವಿಗೆ ಢಿಕ್ಕಿಯಾಗಿ ಬಳಿಕ ಮರಕ್ಕೆ ಗುದ್ದಿದ ಪರಿಣಾಮವಾಗಿ 40 ವರ್ಷದ ಈರಾಜು ದಾರುಣವಾಗಿ ಸಾವನ್ನಪ್ಪಿದ್ದಾರೆ.