ಬಿಜೆಪಿ ಪದಾಧಿಕಾರಿಗಳ ಪಟ್ಟಿ ಪ್ರಕಟ

Team Udayavani, Dec 27, 2021, 6:18 AM IST

ಬೆಂಗಳೂರು: ಮಾಜಿ ಉಪ ಮುಖ್ಯಮಂತ್ರಿ ಲಕ್ಷ್ಮಣ ಸವದಿ ಅವರನ್ನು ಬಿಜೆಪಿ ರಾಜ್ಯ ಉಪಾಧ್ಯಕ್ಷರನ್ನಾಗಿ ನೇಮಕ ಮಾಡಿ ರಾಜ್ಯಾಧ್ಯಕ್ಷ ನಳಿನ್‌ ಕುಮಾರ್‌ ಕಟೀಲು ಆದೇಶ ಹೊರಡಿಸಿದ್ದಾರೆ.

ಮಾಜಿ ವಿಧಾನಪರಿಷತ್‌ ಸದಸ್ಯ ಕ್ಯಾ| ಗಣೇಶ್‌ ಕಾರ್ಣಿಕ್‌ ಅವರನ್ನು ಅನಿವಾಸಿ ಭಾರತೀಯ ವಿಭಾಗದ ರಾಜ್ಯ ಸಂಚಾಲಕರನ್ನಾಗಿ, ಉಡುಪಿಯ ನಯನಾ ಗಣೇಶ್‌ ಅವರನ್ನು ರಾಜ್ಯ ಉಪಾಧ್ಯಕ್ಷರನ್ನಾಗಿ, ಮೈಸೂರಿನ ಎಂ.ಜಿ. ಮಹೇಶ್‌ ಅವರನ್ನು ರಾಜ್ಯ ವಕ್ತಾರರನ್ನಾಗಿ ನೇಮಿಸಲಾಗಿದೆ.

ಹುಬ್ಬಳ್ಳಿಯ ಜಯತೀರ್ಥ ಕಟ್ಟಿ ಅವರನ್ನು ಪ್ರಕೋಷ್ಠಗಳ ರಾಜ್ಯ ಸಹ-ಸಂಯೋಜಕ, ಬೆಂಗಳೂರಿನ ಎಚ್‌. ಯೋಗೇಶ್‌, ಕಾನೂನು ಪ್ರಕೋಷ್ಠ ರಾಜ್ಯ ಸಂಚಾಲಕ, ಬೆಳಗಾವಿಯ ವಿನೋದ್‌ ಪಾಟೀಲ್‌ ಸಹ-ಸಂಚಾಲಕ, ಕಾನೂನು ಪ್ರಕೋಷ್ಠ, ಅಂಕೋಲಾದ ಗೋವಿಂದ ಬಾಂಡೇಕರ್‌ ಮೀನುಗಾರರ ಪ್ರಕೋಷ್ಠದ ರಾಜ್ಯ ಸಂಚಾಲಕ, ಮುಧೋಳದ ನಾಗಪ್ಪ ಅಂಬಿ, ರಾಜ್ಯ ಸಹ-ಸಂಚಾಲಕ ಮೀನುಗಾರರ ಪ್ರಕೋಷ್ಠ, ಶಾಸಕ ಬಸವರಾಜ ಮತ್ತೀಮೋಡ ಅವರನ್ನು ಫ‌ಲಾನುಭವಿಗಳ ಪ್ರಕೋಷ್ಠದ ರಾಜ್ಯ ಸಂಚಾಲಕರನ್ನಾಗಿ ನೇಮಿಸಲಾಗಿದೆ.