BJP vs Congress; ರಾಜ್ಯ ಸರಕಾರ ವಿರುದ್ಧ ಬಿಜೆಪಿ ವರಿಷ್ಠರ ಸೆಡ್ಡು

Team Udayavani, Dec 30, 2024, 6:45 AM IST

ಬೆಂಗಳೂರು: ರಾಜ್ಯದಲ್ಲಿ ಇತ್ತೀಚೆಗೆ ನಡೆಯುತ್ತಿರುವ ಅಧಿಕಾರಿ, ಸಿಬಂದಿ, ಗುತ್ತಿಗೆದಾರರ ಸರಣಿ ಆತ್ಮಹತ್ಯೆ ಪ್ರಕರಣಗಳನ್ನು ಗಂಭೀರವಾಗಿ ಪರಿಗಣಿಸಿರುವ ವಿಪಕ್ಷ ಬಿಜೆಪಿಯು ಇದರ ವಿರುದ್ಧ ಹೋರಾಟವನ್ನು ರಾಷ್ಟ್ರ ಮಟ್ಟಕ್ಕೆ ಕೊಂಡೊಯ್ಯಲು ಚಿಂತನೆ ನಡೆಸಿದೆ.

ಅಲ್ಲದೆ ಸರಕಾರಿ ಆಸ್ಪತ್ರೆಗಳಲ್ಲಿ ಸಂಭವಿಸುತ್ತಿರುವ ಬಾಣಂತಿ-ಮಕ್ಕಳ ಸರಣಿ ಸಾವು ಪ್ರಕರಣಗಳನ್ನೂ ಗಂಭೀರ ವಾಗಿ ತೆಗೆದುಕೊಂಡಿದ್ದು, ಒಟ್ಟಾರೆ ರಾಜ್ಯ ಕಾಂಗ್ರೆಸ್‌ ಸರಕಾರದ ವೈಫ‌ಲ್ಯಗಳ ವಿರುದ್ಧ ಆಂದೋಲನ ರೂಪಿಸಲು ಮುಂದಾಗಿದೆ.

ಇದಕ್ಕಾಗಿ ಆಂದೋಲನ ಸಮಿತಿ ಹಾಗೂ ಸತ್ಯಶೋಧನ ತಂಡಗಳನ್ನು ರಚಿಸಿರುವ ರಾಜ್ಯ ಬಿಜೆಪಿ, ಸರಣಿ ಆತ್ಮಹತ್ಯೆ ಪ್ರಕರಣಗಳಿಗೆ ಸಂಬಂಧಿಸಿ ಜನಾಂದೋಲನ ರೂಪಿಸುವುದು ಒಂದೆಡೆಯಾದರೆ, ಬಾಣಂತಿ-ಮಕ್ಕಳ ಸಾವು ಸಂಭವಿಸಿರುವ ಆಸ್ಪತ್ರೆಗಳಿಗೆ ಭೇಟಿ ನೀಡಿ ಸತ್ಯಶೋಧನೆ ಮಾಡುವ ಮೂಲಕ ಸರಕಾರವನ್ನು ಕಟಕಟೆಯಲ್ಲಿ ನಿಲ್ಲಿಸಲು ಹೋರಾಟಕ್ಕೆ ಸಜ್ಜಾಗಿದೆ.

ಆಂದೋಲನ ಸಮಿತಿ
ಶನಿವಾರವಷ್ಟೇ ಹೊಸದಿಲ್ಲಿಗೆ ತೆರಳಿದ್ದ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ವೈ. ವಿಜಯೇಂದ್ರ ಅವರು ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ. ನಡ್ಡಾ, ರಾಷ್ಟ್ರೀಯ ಸಂಘಟನ ಪ್ರಧಾನ ಕಾರ್ಯದರ್ಶಿ ಬಿ.ಎಲ್‌. ಸಂತೋಷ್‌ ಸಹಿತ ಹಲವ ರನ್ನು ಭೇಟಿ ಮಾಡಿದ್ದರು. ಸಂಘಟನ ಪರ್ವಕ್ಕೆ ಸಂಬಂಧಿಸಿ ಸಭೆಯಲ್ಲಿ ಪಾಲ್ಗೊಂಡ ಬಳಿಕ ರಾಜ್ಯದ ಪ್ರಚ ಲಿತ ವಿದ್ಯಮಾನಗಳ ಕುರಿತು ಸಮಾ ಲೋಚನೆ ನಡೆದಿದೆ.

ಆಂದೋಲನ ಸಮಿತಿ,ಸತ್ಯಶೋಧನ ತಂಡ
ಅಧಿಕಾರಿಗಳು, ಗುತ್ತಿಗೆ ದಾರರು, ಸಿಬಂದಿ ಆತ್ಮಹತ್ಯೆಕ್ಕೆ ಸಂಬಂಧಿಸಿ ಸರಕಾರದ ವಿರುದ್ಧ ಹೋರಾಟ ನಡೆಸಲು ಬಿಜೆಪಿಯ ಹಿರಿಯ ನಾಯಕರನ್ನು ಒಳಗೊಂಡ ಆಂದೋ ಲನ ಸಮಿತಿಯನ್ನು ಬಿಜೆಪಿ ರಚಿಸಿದೆ. ಜತೆಗೆ ಪ್ರಕರಣ ಗಳ ತನಿಖೆಗೆ ಸತ್ಯಶೋಧನ ತಂಡ ಗಳನ್ನು ರಚಿಸಿ, ಸರಕಾರಕ್ಕೆ ಬಿಸಿ ಮುಟ್ಟಿಸಲು ಮುಂದಾಗಿದೆ.

ರಾಜ್ಯಪಾಲರಿಗೆ ವರದಿ!
ಬಾಣಂತಿ ಮತ್ತು ನವಜಾತ ಶಿಶುಗಳ ಸರಣಿ ಸಾವು ಪ್ರಕರಣಕ್ಕೆ ಸಂಬಂಧಿಸಿ ಬಹುತೇಕ ವೈದ್ಯ ರನ್ನೇ ಒಳಗೊಂಡ ತಂಡ ರಚಿ ಸಿರುವ ಬಿಜೆಪಿಯು ಘಟನೆ ನಡೆದ ಆಸ್ಪತ್ರೆಗಳು, ಸಂತ್ರಸ್ತರ ಕುಟುಂಬ
ಸ್ಥ ರನ್ನು ಭೇಟಿ ಮಾಡಿ ವಿವರ ಪಡೆ ಯುವುದು, ಅಗತ್ಯ ತನಿಖೆಗೆ ಶಿಫಾ ರಸುಗಳನ್ನು ಒಳಗೊಂಡ ವರದಿ ಯನ್ನು ರಾಜ್ಯಾಧ್ಯಕ್ಷರಿಗೆ ನೀಡಲಿದೆ. ಅದನ್ನು ರಾಜ್ಯಪಾಲರಿಗೆ ಸಲ್ಲಿಸುವ ಮೂಲಕ ಸರಕಾರಕ್ಕೆ ಬಿಸಿ ಮುಟ್ಟಿಸಲು ಚಿಂತನೆ ನಡೆದಿದೆ.