ಪುಲ್ವಾಮಾ ದಾಳಿ: ಮೋದಿ -ಇಮ್ರಾನ್ ಮ್ಯಾಚ್ ಫಿಕ್ಸಿಂಗ್ ?

Team Udayavani, Mar 7, 2019, 11:58 AM IST

ಬೆಂಗಳೂರು: ಕಾಶ್ಮೀರದ ಪುಲ್ವಾಮಾದಲ್ಲಿ ಸಿಆರ್ ಪಿಎಫ್ ಯೋಧರ ಮೇಲೆ ನಡೆದ ಆತ್ಮಾಹುತಿ ಬಾಂಬ್ ದಾಳಿಯ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿಗೆ ಮೊದಲೇ ಗೊತ್ತಿತ್ತಂತೆ ! ಪುಲ್ವಾಮಾ ದಾಳಿ ಮೋದಿ ಮತ್ತು ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ನಡುವಿನ ಮ್ಯಾಚ್ ಫಿಕ್ಸಿಂಗ್ ಅಂತೆ ? ಹೀಗಂತ ಹೇಳಿಕೆ ನೀಡಿದವರು ಕಾಂಗ್ರೆಸ್ ನಾಯಕ ಬಿ.ಕೆ. ಹರಿಪ್ರಸಾದ್. 

ಪುಲ್ವಾಮಾ ದಾಳಿಯ ಬಗ್ಗೆ ಮಾತನಾಡಿದ ಹರಿಪ್ರಸಾದ್, 350 ಕೆಜಿ ಆರ್ ಡಿಎಕ್ಸ್ ಪುಲ್ವಾಮಾ ಪ್ರದೇಶಕ್ಕೆ ಹೇಗೆ ಬಂತು? ಇದು ಪ್ರಧಾನಿ ಮೋದಿಗೆ ಗೊತ್ತಿಲ್ಲವೇ? ಪುಲ್ವಾಮ ದಾಳಿ ಭಾರತದ ಪ್ರಧಾನಿ ನರೇಂದ್ರ ಮೋದಿ ಮತ್ತು ಪಾಕಿಸ್ಥಾನ ಪ್ರಧಾನಿ ಇಮ್ರಾನ್ ಖಾನ್ ನಡುವಿನ ಮ್ಯಾಚ್ ಫಿಕ್ಸಿಂಗ್ ಎಂಬ ಹೇಳಿಕೆ ನೀಡಿದ್ದಾರೆ.

ಫೆಬ್ರವರಿ 14ರಂದು ಪುಲ್ವಾಮಾದಲ್ಲಿ ಸಿಆರ್ ಪಿಎಫ್ ಯೋಧರು ಸಾಗುತ್ತಿದ್ದ ಬಸ್ ಗೆ ಜೈಶ್ ಎ ಮೊಹಮ್ಮದ್ ಉಗ್ರನೊಬ್ಬ ಆರ್ ಡಿ ಎಕ್ಸ್ ತುಂಬಿದ್ದ ಕಾರನ್ನು ಗುದ್ದಿ ಸ್ಫೋಟ  ಕ್ಕೆ ಕಾರಣವಾಗಿದ್ದ. ಈ ಭೀಕರ ದಾಳಿಯಲ್ಲಿ ೪೪ ಯೋಧರು ಹುತಾತ್ಮರಾಗಿದ್ದರು.