ಮದುವೆ ಮುನ್ನಾ ದಿನ ವಧುವಿನ ಹೈಡ್ರಾಮಾ ; ಪ್ರಿಯಕರನೊಂದಿಗೆ ಎಸ್ಕೇಪ್‌

Team Udayavani, Jun 9, 2019, 11:24 AM IST

ತುಮಕೂರು: ವಧುವೊಬ್ಬಳು ಮದುವೆಯ ಮುನ್ನಾ ದಿನ ಹೈಡ್ರಮಾ ಮಾಡಿ ಪ್ರಿಯಕರನೊಂದಿಗೆ ಪರಾರಿಯಾಗಿರುವ ಘಟನೆ ಶಿರಾ ತಾಲೂಕಿನ ಮೆಳೆಕೋಟೆ ಗ್ರಾಮದಲ್ಲಿ ನಡೆದಿದೆ.

ಇಂದು ದೊಡ್ಡಗೊಳ ಗ್ರಾಮದ ವರನೊಂದಿಗೆ ವಿವಾಹ ನಡೆಯಬೇಕಿತ್ತು, ಆದರೆ ಶನಿವಾರ ರಾತ್ರಿ ಮೈಮೇಲೆ ಮಾತ್ರ ವಿಷ ಚೆಲ್ಲಿಕೊಂಡು ತೀವ್ರ ಅಸ್ವಸ್ಥಗೊಂಡವಳಂತೆ ವಧು ನಾಟಕವಾಡಿದ್ದಾಳೆ.ಮದುವೆ ಮನೆಯಲ್ಲಿದ್ದವರೆಲ್ಲರೂ ಏನಾಗುತ್ತಿದೆ ಎಂದು ತಿಳಿಯದೆ ತಕ್ಷಣ ಆಕೆಯನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆಸ್ಪತ್ರೆಗೆ ದಾಖಲಾಗಿದ್ದವಧು ಪೋಷಕರಿಗೆ ಚಳ್ಳೆ ಹಣ್ಣು ತಿನ್ನಿಸಿ ಪರಾರಿಯಾಗಿದ್ದಾಳೆ.

ಪರಾರಿಯಾಗಿರುವ ಯುವಕ ಯುವತಿಯ ಅತ್ತೆ ಮಗನೇ ಆಗಿದ್ದಾನೆಎಂದು ತಿಳಿದು ಬಂದಿದೆ.

ತಾವರೆಕೆರೆ ಪೊಲೀಸರು ಸ್ಥಳಕ್ಕಾಗಮಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.