ಸಂಪುಟ ವಿಸ್ತರಣೆ ತಡವಾದಷ್ಟು ಅಸಮಾಧಾನ ಹೆಚ್ಚುತ್ತದೆ: ಬಿ.ಸಿ.ಪಾಟೀಲ್‌

Team Udayavani, Sep 20, 2018, 11:53 AM IST

ಹಾವೇರಿ: ಸಂಪುಟ ವಿಸ್ತರಣೆ ಎನ್ನುವುದು ನಾಳೆ ಬಾ ಅನ್ನುವ ಕಥೆಯಾಗಿದೆ.ವಿಸ್ತರಣೆ ತಡವಾದಷ್ಟು ಪಕ್ಷದಲ್ಲಿ ಅಸಮಾಧಾನ ಹೆಚ್ಚುತ್ತದೆ ಎಂದು ಸಚಿವ ಸ್ಥಾನದ ಪ್ರಬಲ ಆಕಾಂಕ್ಷಿ ಹಿರೇಕೆರೂರು ಶಾಸಕ ಬಿ.ಸಿ.ಪಾಟೀಲ್‌ ಹೇಳಿಕೆ ನೀಡಿದ್ದಾರೆ.

ಗುರುವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ಕಾಂಗ್ರೆಸ್‌ ಪಕ್ಷಕ್ಕೆ ಸ್ಪಷ್ಟ ಎಚ್ಚರಿಕೆ ಕೊಡುವ ಹಾಗೆ ಮಾತನಾಡಿದ್ದಾರೆ.

ರಾಜಕಾರಣದಲ್ಲಿ ಏನೂ ಬೇಕಾದರೂ ಆಗಬಹುದು. ಸಿಕ್ಕಿದಲ್ಲಿ ತೂರಿಕೊಳ್ಳುವವರಿದ್ದಾರೆ. ನನ್ನನ್ನು ಸದ್ಯ ಬಿಜೆಪಿಯವರು ಸಂಪರ್ಕಿಸಿಲ್ಲ. ನಾನೂ ಎಲ್ಲೂ ಹೋಗಿಲ್ಲ ಎಂದರು.

ಸೆಪ್ಟೆಂಬರ್‌ 3 ನೇ ವಾರದಲ್ಲಿ ಅಂದಿದ್ದ ಸಂಪುಟ ವಿಸ್ತರಣೆ ಈಗ ಆಕ್ಟೋಬರ್‌ 3 ರ ನಂತರ ಅನ್ನುತ್ತಿದ್ದಾರೆ. ನಾನು ಕೆಪಿಸಿಸಿ ಅಧ್ಯಕ್ಷ ದಿನೇಶ್‌ ಗುಂಡೂರಾವ್‌ ಮತ್ತು ಡಿಸಿಎಂ ಡಾ.ಜಿ.ಪರಮೇಶ್ವರ್‌ ಅವರಿಗೆ ತಿಳಿಸಿದ್ದೇನೆ ಎಂದರು.