ಸೆರಲ್ಯಾಕ್‌ ಗಂಟಲಲ್ಲಿ ಸಿಲುಕಿ 3 ತಿಂಗಳ ಮಗು ದಾರುಣ ಸಾವು 

Team Udayavani, Jan 31, 2018, 12:17 PM IST

ರಾಮನಗರ: ಸೆರ್‌ಲ್ಯಾಕ್‌ ಗಂಟಲಲ್ಲಿ ಸಿಲುಕಿ 3 ತಿಂಗಳ ಹೆಣ್ಣು ಮಗು ದಾರುಣವಾಗಿ ಸಾವನ್ನಪ್ಪಿದ ಘಟನೆ ಮಾಗಡಿ ತಾಲೂಕಿನ ಹೊಸಪಾಳ್ಯ ಗ್ರಾಮದಲ್ಲಿ ಬುಧವಾರ ಬೆಳಗ್ಗೆ ನಡೆದಿದೆ. 

ಮಂಜು ನಾಥ್‌ ಮತ್ತು ಧನಲಕ್ಷ್ಮೀ ಎನ್ನುವವರ ಮಗುವಿಗೆ ಬೆಳಗ್ಗೆ  ತಾಯಿ ಸೆರಲ್ಯಾಕ್‌ ತಿನ್ನಿಸಿದ್ದರು. ಈ ವೇಳೆ ಗಂಟಲಲ್ಲಿ ಸಿಲುಕಿ ಮಗು ಉಸಿರಾಟ ಸಮಸ್ಯೆಯಿಂದ ಒದ್ದಾಡಿದೆ. ಕೂಡಲೇ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯಲಾಯಿತಾದರೂ ಮಗು ಬುದುಕುಳಿಯಲಿಲ್ಲ. 

6 ತಿಂಗಳವರೆಗೆ ತಾಯಿಯ ಎದೆ ಹಾಲನ್ನು ಹೊರತು ಪಡಿಸಿ  ಬೇರೆ ಯಾವುದೇ ಆಹಾರವನ್ನು ನೀಡಬಾರದು ಎಂದು ವೈದ್ಯರು ಸಲಹೆ ನೀಡಿದ್ದಾರೆ. ತಿಳುವಳಿಕೆಯ ಕೊರತೆಯಿಂದ ಸೆರ್‌ಲ್ಯಾಕ್‌ ತಿನ್ನಿಸಿದ್ದರಿಂದ ಮಗುವಿನ ಸಾವು ಸಂಭವಿಸಿದೆ ಎಂದು ವೈದ್ಯರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.