Chikkamagaluru: ದತ್ತಪೀಠದಲ್ಲಿ ಕುಂಕುಮ ಲೇಪಿಸಿ ಧಾರ್ಮಿಕ ಭಾವನೆಗೆ ಧಕ್ಕೆ: ಖಾದ್ರಿ

Team Udayavani, Nov 25, 2024, 6:32 AM IST

ಚಿಕ್ಕಮಗಳೂರು: ಗುರು ದತ್ತಾ ತ್ರೇಯ ಬಾಬಾ ಬುಡನ್‌ ಸ್ವಾಮಿ ದರ್ಗಾ ಗುಹೆಯ ಎಡಭಾಗದಲ್ಲಿರುವ ಮಾಮಜಿಗ್ನಿ ಮತ್ತು ಬಲಭಾಗಲ್ಲಿ ಛಿಲ್ಲಾ ಹಾಗೂ ಗಾದಿ (ಧ್ಯಾನ ಸ್ಥಳ ಮತ್ತು ಪೀಠ)ಗೆ ಕೆಲವರು ಇತ್ತೀಚೆಗೆ ಕುಂಕುಮ ಲೇಪಿಸಿ ಸಮುದಾಯದವರ ಭಾವನೆಗೆ ಘಾಸಿ ಮಾಡಿದ್ದಾರೆ ಎಂದು ಬಾಬಾಬುಡನ್‌ ವಂಶಸ್ಥ ಸೈತದ್‌ ಫಕ್ರುದ್ದೀನ್‌ ಶಾ ಖಾದ್ರಿ ಆರೋಪಿಸಿದ್ದಾರೆ.

ಈ ಕುರಿತು ಪ್ರಕಟನೆ ನೀಡಿರುವ ಅವರು, ಈ ಆಚರಣೆ ಹಿಂದೆ ದಾದಾಪೀರ್‌ ಛಿಲ್ಲಾ ಹಾಗೂ ಗಾದಿಯನ್ನು ಬದಲಾಯಿಸುವ ಸಂಚು ಅಡಗಿದೆ. ನ್ಯಾಯಾಲಯದ ಆದೇಶ ಉಲ್ಲಂಘಿಸಿದವರ ವಿರುದ್ಧ ಜಿಲ್ಲಾಡಳಿತ ಮೃದು ಧೋರಣೆ ಅನುಸರಿಸುತ್ತಿದ್ದು, ಹೊಸ ಆಚರಣೆ ತಡೆಯುವಲ್ಲಿ ವಿಫಲವಾಗಿದೆ ಎಂದು ಆರೋಪಿಸಿದ್ದಾರೆ.
ಗುರುದತ್ತಾತ್ರೇಯ ಬಾಬಾಬುಡನ್‌ ದರ್ಗಾವು ಮುಹ ಮ್ಮದೀಯ ಸಂಸ್ಥೆ ಎಂದು ಮುಜ ರಾಯಿ ಇಲಾಖೆಯ ಗೆಜೆಟಿ ಯರ್‌ ನಲ್ಲಿ ಸ್ಪಷ್ಟವಾಗಿ ಹೇಳಲಾಗಿದೆ. ವಿಶ್ವ ಹಿಂದೂ ಪರಿಷತ್‌ ಮತ್ತು ಭಜರಂಗದಳದ ಮುಖಂಡರು ಗಮನಿಸಬೇಕಿದೆ ಎಂದು ತಿಳಿಸಿದ್ದಾರೆ.

ಶಾ ಖಾದ್ರಿ ವಂಶಸ್ಥರ ರಗಳೆ: ಮಹೇಂದ್ರ
ದತ್ತ ಪೀಠದಲ್ಲಿ ಕಳೆದ 2 ವರ್ಷಗಳಿಂದ ಯಾವುದೇ ಅಡೆತಡೆ ಯಿಲ್ಲದೆ ಕೋರ್ಟ್‌ ಆದೇಶದಂತೆ ನಡೆದುಕೊಂಡು ಬರುತ್ತಿದ್ದ ನಿತ್ಯ ಪೂಜಾ ಕಾರ್ಯಗಳಿಗೆ ನ. 19ರಂದು ಶಾ ಖಾದ್ರಿ ವಂಶಸ್ಥರೆಂದು ಕೊಂಡ ಒಂದು ಗುಂಪು ಪೊಲೀಸ್‌ ಬಿಗಿ ಭದ್ರತೆ ನಡುವೆಯೂ ದತ್ತಪೀಠದ ಆವರಣದೊಳಗೆ ನುಗ್ಗಿ ಅರ್ಚಕರಿಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಬೆದರಿಕೆ ಹಾಕಿದೆ. ಕೂಡಲೇ ಜಿಲ್ಲಾಡಳಿತ ಈ ಗುಂಪಿನ ಮೇಲೆ ಸ್ವಯಂ ಪ್ರೇರಿತ ದೂರು ದಾಖಲಿಸಿ ಕ್ರಮ ಕೈಗೊಳ್ಳಬೇಕೆಂದು ವಿಶ್ವ ಹಿಂದೂ ಪರಿಷತ್‌ ಹಾಸನ ವಿಭಾಗ ಸಹ ಕಾರ್ಯದರ್ಶಿ ಆರ್‌.ಡಿ. ಮಹೇಂದ್ರ ಆಗ್ರಹಿಸಿದ್ದಾರೆ.