ಬಡವರಿಗೆ 10 ಕೆಜಿ ಅಕ್ಕಿ ಕಾಂಗ್ರೆಸ್‌ನಿಂದ ಮೂರನೇ ಗ್ಯಾರಂಟಿ ಘೋಷಣೆ

Team Udayavani, Feb 25, 2023, 7:15 AM IST

ಬೆಂಗಳೂರು: ಗೃಹಜ್ಯೋತಿ, ಗೃಹಲಕ್ಷಿ$¾à ಯೋಜನೆ ಬಳಿಕ ಕಾಂಗ್ರೆಸ್‌ ಈಗ ಬಿಪಿಎಲ್‌ ಕುಟುಂಬದ ಪ್ರತಿ ಸದಸ್ಯರಿಗೆ 10 ಕೆ.ಜಿ ಅಕ್ಕಿ ನೀಡುವುದಾಗಿ ಘೋಷಿಸಿದೆ.

ಶುಕ್ರವಾರ ಜಂಟಿ ಸುದ್ದಿಗೋಷ್ಠಿಯಲ್ಲಿ ವಿಪಕ್ಷ ನಾಯಕ ಸಿದ್ದರಾಮಯ್ಯ ಹಾಗೂ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್‌ ಈ ಘೋಷಣೆ ಮಾಡಿದ್ದಾರೆ.

ಕೇಂದ್ರದಲ್ಲಿ ಮನಮೋಹನ್‌ ಸಿಂಗ್‌  ಸರಕಾರದ ಅವಧಿಯಲ್ಲಿ ಆಹಾರ ಭದ್ರತಾ ಕಾಯ್ದೆ ಜಾರಿಗೆ ತಂದು 3 ರೂ.ಬೆಲೆಯಲ್ಲಿ ಅಕ್ಕಿ ನೀಡಲು ಆರಂಭಿಸಿತ್ತು. 2013ರಲ್ಲಿ “ಅನ್ನಭಾಗ್ಯ’ ಯೋಜನೆ ನೀಡಿದ್ದೆವು. ಆಗ ಪ್ರತಿ ಸದಸ್ಯರಿಗೆ 7 ಕೆ.ಜಿ. ಅಕ್ಕಿಯನ್ನು ಉಚಿತವಾಗಿ ನೀಡಿದ್ದೆವು ಎಂದರು.

ಪ್ರಜಾಧ್ವನಿ ಯಾತ್ರೆಯಲ್ಲಿ ಅಕ್ಕಿ ಹೆಚ್ಚಿಸುವಂತೆ ಜನ ಕೇಳಿದ್ದಾರೆ. ಈ ಬಳಿಕ ನಾವು ಚರ್ಚಿಸಿ  ಈ ಯೋಜನೆಯನ್ನು ಪಕ್ಷದ 3ನೇ ಗ್ಯಾರಂಟಿಯಾಗಿ ಘೋಷಿಸುತ್ತಿದ್ದೇವೆ. 10 ಕೆಜಿ ಅಕ್ಕಿ ನೀಡುವುದರಿಂದರ 3ರಿಂದ 4 ಸಾವಿರ ಕೋಟಿ ರೂ. ಗೂ ಹೆಚ್ಚು ವೆಚ್ಚ ತಗಲಬಹುದು. ಅದನ್ನು ನಿಭಾಯಿಸಲಿದ್ದೇವೆ ಎಂದು ಹೇಳಿದರು.