ಮುಸ್ಲಿಂ ಸಮುದಾಯದಲ್ಲಿ ಮತಾಂಧ ಶಕ್ತಿಗಳು ತಲೆಯೆತ್ತಲು ಕಾಂಗ್ರೆಸ್ ಕಾರಣ: ಆರಗ ಜ್ಞಾನೇಂದ್ರ

Team Udayavani, Mar 25, 2022, 4:18 PM IST

ಬೆಂಗಳೂರು: ಯಾರು ಯಾವ ವಸ್ತ್ರ ಉಡುತ್ತಾರೆ ಎನ್ನುವುದು ಮುಖ್ಯವಲ್ಲ. ಶಾಲೆಯೊಳಗಡೆ ಯೂನಿಫಾರಂ ಬೇಕೋ ಬೇಡವೋ ಎಂದು ಸಿದ್ದರಾಮಯ್ಯ ಹೇಳುವುದೇ‌ ಇಲ್ಲ ಎಂದು ವಿಪಕ್ಷ ನಾಯಕ ಸಿದ್ದರಾಮಯ್ಯ ಹೇಳಿಕೆಗೆ ಗೃಹ ಸಚಿವ ಆರಗ ಜ್ಞಾನೇಂದ್ರ ತಿರುಗೇಟು ನೀಡಿದರು.

ಹಿಜಾಬ್ ವಿಚಾರದಲ್ಲಿ ಕಾಂಗ್ರೆಸ್ ನವರು‌ ಹೆಣ್ಣೂ ಅಲ್ಲ- ಗಂಡೂ ಅಲ್ಲ ಎಂಬ ರೀತಿಯಲ್ಲಿ ವರ್ತಿಸಿದರು. ಹಿಜಾಬ್ ಬಗ್ಗೆ ಬಾಯಿ ಬಿಡಬಾರದೆಂದು ಡಿಕೆ ಶಿವಕುಮಾರ್ ತಮ್ಮ ಶಾಸಕರಿಗೆ ಹೇಳಿದ್ದರು. ತುಷ್ಟೀಕರಣ ಕಾಂಗ್ರೆಸ್ ನಿಲುವು. ಅವರದ್ದು ಒಂದು ಸಮುದಾಯವನ್ನು ಎತ್ತಿ‌ ಕಟ್ಟುವ‌ ಕೆಲಸ. ಮುಸ್ಲಿಂ ಸಮುದಾಯದಲ್ಲಿ ಕೆಲವು ಮತಾಂಧ ಶಕ್ತಿಗಳು ತಲೆ ಎತ್ತಲು ಕಾಂಗ್ರೆಸ್ ಕಾರಣ ಎಂದರು.

ಇದನ್ನೂ ಓದಿ:ಸರ್ಕಾರ ಕೋಮು ವಿಚಾರಕ್ಕೆ ನೀಡಿದಷ್ಟು ಆಸಕ್ತಿ ಕೋವಿಡ್ ಪರಿಹಾರಕ್ಕೆ ನೀಡುತ್ತಿಲ್ಲ: ಕಾಂಗ್ರೆಸ್

ಸ್ವಾಮೀಜಿಯವರು ಬಟ್ಟೆಯನ್ನು ತಲೆ ಮೇಲಾದರೂ ಹಾಕಿಕೊಳ್ಳಲಿ, ಕಾಲಿನ ಮೇಲಾದರರೂ ಹಾಕಿಕೊಳ್ಳಲಿ. ಯೂನಿಫಾರಂ ಬಗ್ಗೆ ಮೊದಲು ನಿಮ್ಮ ನಿಲುವು ಹೇಳಿ ಎಂದು ಸವಾಲೆಸೆದರು.

ಹಿಜಾಬ್ ವಿವಾದ ನಾವು ಸೃಷ್ಟಿಸಿದ್ದಲ್ಲ. ನಾವು ಮತಾಂಧ ಶಕ್ತಿಗಳ ಹುಟ್ಟಡಗಿಸುತ್ತಿದ್ದೇವೆ. ಇಷ್ಟು ವರ್ಷ ಈ ಕೆಲಸ ಮಾಡಲು ಕಾಂಗ್ರೆಸ್ ನವರಿಗೆ ಎದೆಗಾರಿಕೆ ಇರಲಿಲ್ಲ ಎಂದು ಆರಗ ಜ್ಞಾನೇಂದ್ರ ತಿರುಗೇಟು ನೀಡಿದರು