ಆಸ್ಪತ್ರೆ ಹೊಂದಿರುವ ಕಾಂಗ್ರೆಸ್ ನಾಯಕರು 100 ಬೆಡ್ ವ್ಯವಸ್ಥೆ ಮಾಡಿ : ಜಿ ಸಿ ಚಂದ್ರಶೇಖರ್

Team Udayavani, Apr 27, 2021, 2:56 PM IST

ಬೆಂಗಳೂರು : ಕಾಂಗ್ರೆಸ್ ಪಕ್ಷದಲ್ಲಿ ಯಾರ ಬಳಿ ಮೆಡಿಕಲ್ ಕಾಲೇಜು ಇದೆಯೋ ಅವರು 100 ಬೆಡ್ ಗಳ ವ್ಯವಸ್ಥೆ ಮಾಡಬೇಕು. ಲಾಕ್ ಡೌನ್ ನಿಂದ ಜನರಿಗೆ ಸಮಸ್ಯೆ ಆಗಿದೆ. ಪ್ರತಿಯೊಬ್ಬರಿಗೂ 10 ಕೆಜಿ ಅಕ್ಕಿ ಕೊಡುವಂತೆ ಒತ್ತಡ ಮಾಡಬೇಕು ಎಂದು ಮಂಗಳವಾರ ಕಾಂಗ್ರೆಸ್ ಹಿರಿಯ ನಾಯಕರ ಸಭೆಯಲ್ಲಿ ರಾಜ್ಯಸಭಾ ಸದಸ್ಯ ಜಿ ಸಿ ಚಂದ್ರಶೇಖರ್ ಹಲವು ವಿಚಾರ ಪ್ರಸ್ತಾಪ ಮಾಡಿದ್ದಾರೆ.

ಹೆಲ್ ವರ್ಕರ್ಸ್ ಗೆ 50 ಲಕ್ಷ ಲೈಫ್ ಇನ್ಶುರೆನ್ಸ್ ಇತ್ತು. ಅದನ್ನು ಕೇಂದ್ರ ಸರ್ಕಾರ ರದ್ದು ಮಾಡಿದೆ. ಇದನ್ನು ಮತ್ತೆ ಪ್ರಾರಂಭ ಮಾಡಲು ಹೇಳಬೇಕು. ಪಕ್ಷದಲ್ಲಿ ಸುಮ್ಮನೆ ಹೆಸರಿಗೋಸ್ಕರ ವಾರ್ ರೂಮ್ ಓಪನ್ ಮಾಡಬಾರದು.  ಜಿಲ್ಲೆಯಿಂದ ಬರುವ ಎಲ್ಲಾ ಕಾಲ್ ಅಟೆಂಡ್ ಮಾಡಬೇಕು ಎಂದು ಅವರು ತಿಳಿಸಿದರು.

ಜಿಲ್ಲೆಗಳಿಂದ ಬರುವ ವಿಡಿಯೋಗಳನ್ನು ಮೀಡಿಯಾದಲ್ಲಿ ಬರುವಂತೆ ಮಾಡಬೇಕು. ಖಾಸಗಿಯವರು 1000 ಕೋಟಿ ಹಣ ಬಾಕಿ ಉಳಿಸಿಕೊಂಡಿದ್ದಾರೆ. ಟೆಸ್ಟಿಂಗ್ ಲ್ಯಾಬ್ ನಲ್ಲಿ 500 ಕೋಟಿ ಬಾಕಿ ಉಳಿಸಿಕೊಂಡಿದ್ದಾರೆ. ಇದರಿಂದ ಖಾಸಗಿ ಆಸ್ಪತ್ರೆಗಳು ಸ್ಪಂದಿಸುವ ಕೆಲಸ ಮಾಡುತ್ತಿಲ್ಲ ಎಂದರು.

ಕೋವಿಡ್ ನಿಂದ ಸಾಯುವವರ ಸರಿಯಾದ ಸಂಖ್ಯೆ ಕೊಡುತ್ತಿಲ್ಲ. ಪ್ರತಿ ಜಿಲ್ಲೆಯಲ್ಲಿ ನಮ್ಮ ನಾಯಕರುಗಳು ಇದ್ದಾರೆ. ಅವರುಗಳು ಅಲ್ಲಿಯ ವಾಸ್ತವ ಅಂಶ ಬರುವಂತೆ ಮಾಡಬೇಕು ಎಂದು ಜಿ ಸಿ ಚಂದ್ರಶೇಖರ್ ತಿಳಿಸಿದ್ದಾರೆ.