ರಾಜ್ಯದಲ್ಲಿ 7 ಕೋಟಿ ಡೋಸ್‌ ದಾಟಿದ ಲಸಿಕೆ 

Team Udayavani, Nov 21, 2021, 8:00 AM IST

ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ಲಸಿಕೆ ವಿತರಣೆಯು ಶನಿವಾರ 7 ಕೋಟಿ ಡೋಸ್‌ಗಳ ಗಡಿ ದಾಟಿದೆ. ಶನಿವಾರ 3.1 ಲಕ್ಷ ಡೋಸ್‌ ಲಸಿಕೆ ನೀಡಲಾಗಿತ್ತು. ಈ ಮೂಲಕ ಒಟ್ಟು 7,02,12,102 ಡೋಸ್‌ನಷ್ಟು ಲಸಿಕೆ ವಿತರಿಸಿದಂತಾಗಿದೆ.

ರಾಜ್ಯದಲ್ಲಿ 18 ವರ್ಷ ಮೇಲ್ಪಟ್ಟ 4.9 ಕೋಟಿ ಮಂದಿಗೆ ಲಸಿಕೆ ನೀಡುವ ಗುರಿ ಹೊಂದಲಾಗಿತ್ತು. ಈಗಾಗಲೇ 4.36 ಲಕ್ಷ ಮಂದಿಗೆ ಮೊದಲ ಡೋಸ್‌ ಲಸಿಕೆ ನೀಡಲಾಗಿದ್ದು, ಶೇ. 90ರಷ್ಟು ಗುರಿ ಸಾಧನೆಯಾಗಿದೆ. 2,65,27,346 ಮಂದಿ ಎರಡೂ ಡೋಸ್‌ ಪೂರ್ಣಗೊಳಿಸಿದ್ದು, ಶೇ. 54.92ರಷ್ಟು ಗುರಿ ಸಾಧನೆಯಾಗಿದೆ.

ಹೆಚ್ಚು ಲಸಿಕೆ ವಿತರಿಸಿದ ಜಿಲ್ಲೆಗಳ ಪೈಕಿ ಬೆಂಗಳೂರು ನಗರ ಮೊದಲ ಸ್ಥಾನದಲ್ಲಿದ್ದು, ಇಲ್ಲಿ 1.36 ಕೋಟಿ ಡೋಸ್‌, ಬೆಳಗಾವಿ 50.37 ಲಕ್ಷ, ಮೈಸೂರು 36.89 ಲಕ್ಷ, ತುಮಕೂರಿನಲ್ಲಿ 29.15 ಲಕ್ಷ ಡೋಸ್‌ ಲಸಿಕೆ ನೀಡಲಾಗಿದೆ.