ಡಿಡಿಗೂ ಚೆಕ್ ಕಡ್ಡಾಯ-PIL ವಿಚಾರಣೆ; ಆರ್ ಬಿಐಗೆ ಹೈಕೋರ್ಟ್ ನೋಟಿಸ್

Team Udayavani, Jan 24, 2019, 11:40 AM IST

ಬೆಂಗಳೂರು: ಸಣ್ಣ ಮೊತ್ತದ ಡಿಡಿ ಪಡೆಯಲು ಕೂಡಾ ಚೆಕ್ ಕಡ್ಡಾಯ ವಿಚಾರಕ್ಕೆ ಸಂಬಂಧಿಸಿದಂತೆ ಬ್ಯಾಂಕ್ ಗಳ ಕ್ರಮ ಪ್ರಶ್ನಿಸಿ ಸಲ್ಲಿಸಲಾಗಿದ್ದ ಪಿಐಎಲ್ ವಿಚಾರಣೆ ನಡೆಸಿದ ಹೈಕೋರ್ಟ್ ವಿಭಾಗೀಯ ಪೀಠ ಭಾರತೀಯ ರಿಸರ್ವ್ ಬ್ಯಾಂಕ್ ಗೆ ಗುರುವಾರ ಉತ್ತರ ನೀಡುವಂತೆ ನೋಟಿಸ್ ನೀಡಿದೆ.

ನಗದು ನೀಡಿದರೂ ಬ್ಯಾಂಕ್ ಗಳು ಡಿಮಾಂಡ್ ಡ್ರಾಫ್ಟ್ ನೀಡುವುದಿಲ್ಲ. ಬ್ಯಾಂಕ್ ಗಳ ಈ ನಡೆಯಿಂದಾಗಿ ಗ್ರಾಹಕರಿಗೆ ತೊಂದರೆಯಾಗುತ್ತಿದೆ. ಈ ಬಗ್ಗೆ ಆರ್ ಬಿಐಗೆ ನಿರ್ದೇಶನ ನೀಡಬೇಕೆಂದು ಕೋರಿ ವಕೀಲ ರಮೇಶ್ ನಾಯ್ಕ್ ಎಂಬವರು ಸಾರ್ವಜನಿಕ ಹಿತಾಸಕ್ತಿ ಅರ್ಜಿ(ಪಿಐಎಲ್)ಯನ್ನು ಸಲ್ಲಿಸಿದ್ದರು.

ಬ್ಯಾಂಕ್ ಗಳಲ್ಲಿ ಖಾತೆ, ಚೆಕ್ ಇದ್ದರೆ ಮಾತ್ರ ಡಿಮಾಂಡ್ ಡ್ರಾಫ್ಟ್ ನೀಡುತ್ತಿವೆ. ಇದರಿಂದಾಗಿ ಗ್ರಾಹಕರಿಗೆ ತೊಂದರೆ ಎಂದು ಪಿಐಎಲ್ ನಲ್ಲಿ ತಿಳಿಸಿದ್ದರು. ಪಿಐಎಲ್ ವಿಚಾರಣೆ ನಡೆಸಿದ ಹೈಕೋರ್ಟ್ ಪೀಠ ಆರ್ ಬಿಐಗೆ ನೋಟಿಸ್ ನೀಡಿ, ವಿಚಾರಣೆ ಮುಂದೂಡಿದೆ.