ಹಳೆಯ 500, 1000 ನೋಟುಗಳಿಗೆ ತಿಥಿ; “ಕೈ”ನಿಂದ ಕರಾಳ ದಿನಾಚರಣೆ

Team Udayavani, Nov 8, 2017, 2:17 PM IST

ಮೈಸೂರು/ಬೆಂಗಳೂರು: ನೋಟು ಅಮಾನ್ಯಕ್ಕೆ ವರ್ಷ ತುಂಬಿದ ಹಿನ್ನೆಲೆಯಲ್ಲಿ ಬುಧವಾರ ಕಾಂಗ್ರೆಸ್ ಪಕ್ಷ ನೋಟು ನಿಷೇಧ ಖಂಡಿಸಿ ರಾಜ್ಯಾದ್ಯಂತ ಕರಾಳ ದಿನಾಚರಣೆ ನಡೆಸಿದರೆ, ಮೈಸೂರಿನಲ್ಲಿ ಹಳೆಯ 500, 1000 ನೋಟುಗಳಿಗೆ ತಿಥಿ ಕಾರ್ಯ ಮಾಡುವ ಮೂಲಕ ವಿನೂತನವಾಗಿ ಬೆಂಬಲ ವ್ಯಕ್ತಪಡಿಸಿದ್ದಾರೆ.

ಹಳೆ ನೋಟುಗಳಿಗೆ ತಿಥಿ:

ಮೈಸೂರಿನ ಅಗ್ರಹಾರ ವೃತ್ತದಲ್ಲಿ ಪ್ರಜ್ಞಾವಂತ ನಾಗರಿಕ ವೇದಿಕೆಯ ಕಾರ್ಯಕರ್ತರು . ನೋಟು ನಿಷೇಧ ಬೆಂಬಲಿಸಿ ಹಳೇ ನೋಟುಗಳಿಗೆ ಶ್ರದ್ಧಾಂಜಲಿ ಅರ್ಪಿಸಿದರು. ನೋಟುಗಳ ಭಾವಚಿತ್ರ ಹೂವಿನ ಹಾರ ಹಾಕಿ ಸ್ಮರಿಸಿದರು.

ಕಾಂಗ್ರೆಸ್ ನಿಂದ ಕರಾಳ ದಿನಾಚರಣೆ:

ರಾಜ್ಯದ ವಿವಿಧೆಡೆ ಕೇಂದ್ರ ಸರ್ಕಾರದ ನೋಟು ನಿಷೇಧಕ್ಕೆ ಒಂದು ವರ್ಷವಾದ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಕಾರ್ಯಕರ್ತರು ಮೌರ್ಯ ವೃತ್ತದಿಂದ ಫ್ರೀಡಂಪಾರ್ಕ್ ವರೆಗೆ ಪ್ರತಿಭಟನೆ ನಡೆಸಿದರು. ನೋಟು ನಿಷೇಧ ಖಂಡಿಸಿ ಕಾಂಗ್ರೆಸ್ ಕರಾಳ ದಿನಾಚರಣೆ ಆಚರಿಸಿತು.