ಕೋವಿಡ್ ಯೋಧರಿಗೆ #DettolSalutes ಅಭಿಯಾನ

Team Udayavani, Jun 10, 2021, 3:17 PM IST

ಬೆಂಗಳೂರು: ಪ್ರಸಿದ್ದ ಜರ್ಮ್ ಪ್ರೊಟೆಕ್ಷನ್ ಬ್ರ್ಯಾಂಡ್ ಡೆಟಾಲ್ #DettolSalutes ಎಂಬ  ಅಭಿಯಾನವನ್ನು ಪ್ರಾರಂಭಿಸಿದೆ.  ಅದರ ಇತಿಹಾಸದಲ್ಲಿ ಮೊದಲ ಬಾರಿಗೆ ಡೆಟಾಲ್, ಕೋವಿಡ್ -19 ಯೋಧರಿಗೆ ಗೌರವ ಸೂಚಕವಾಗಿ ಅದರ ಸಾಂಪ್ರದಾಯಿಕ ಲೋಗೊವನ್ನು ಕೋವಿಡ್ ರಕ್ಷಕನ (ಕೋವಿಡ್ ಪ್ರೊಟೆಕ್ಟರ್) ಚಿತ್ರದೊಂದಿಗೆ ಬದಲಾಯಿಸಿದೆ.

ಡೆಟಾಲ್ ಭಾರತದಾದ್ಯಂತ ಇಂತಹ 100 ಮಂದಿ ಕೋವಿಡ್ ಯೋಧರ ಅನುಭವಗಳನ್ನು ಸಂಗ್ರಹಿಸಿದೆ ಮತ್ತು ಸಹಸ್ರಾರು ಜನರಿಗೆ ನಿಸ್ವಾರ್ಥವಾಗಿ ಸಹಾಯ ಮಾಡಿದ ಕೋವಿಡ್ ರಕ್ಷಕರ ಗೌರವಾರ್ಥವಾಗಿ ಅವುಗಳನ್ನು ಲಿಕ್ವಿಡ್ ಹ್ಯಾಂಡ್‌ವಾಶ್ ಪ್ಯಾಕ್‌ಗಳಲ್ಲಿ ಇರಿಸಿ ಜನರಿಗೆ ತಲುಪಿಸುತ್ತಿದೆ.

ಇದಲ್ಲದೆ, ಈ ಅನುಭವ ಕಥನಗಳನ್ನು ಹೆಚ್ಚು ಹೆಚ್ಚು ಜನರಿಗೆ ತಲುಪಿಸಲು ಡೆಟಾಲ್ www.DettolSalutes.com ಎಂಬ ವೆಬ್‌ಸೈಟ್ ಅನ್ನು ಸಹ ಪ್ರಾರಂಭಿಸಿದೆ. ಕಸ್ಟಮೈಸ್ ಮಾಡಿದ ವರ್ಚುವಲ್ ಪ್ಯಾಕ್‌ಗಳನ್ನು ರಚಿಸುವ ಮೂಲಕ ಮತ್ತು ಅದನ್ನು ಅವರ ಸಾಮಾಜಿಕ ಮಾಧ್ಯಮ ಚಾನಲ್‌ಗಳಲ್ಲಿ ಹಂಚಿಕೊಳ್ಳುವ ಮೂಲಕ ಕೋವಿಡ್ ರಕ್ಷಕರನ್ನು ಅವರ ಮಧ್ಯೆ ಗುರುತಿಸಲು ಈ ವೇದಿಕೆಯನ್ನು ನಿರ್ಮಿಸಲಾಗಿದೆ.

ಈ ವೇದಿಕೆಯನ್ನು ವಿಶೇಷವಾಗಿ ಭಾರತದಾದ್ಯಂತದ ಜನರು ಕಥೆಗಳನ್ನು ಹಂಚಿಕೊಳ್ಳಲು ಮತ್ತು ಅಂಗೀಕರಿಸಲು ರಚಿಸಲಾಗಿದೆ.

#DettolSalutes ಅಭಿಯಾನದ ಬಗ್ಗೆ ಪ್ರತಿಕ್ರಿಯಿಸಿದ ರೆಕ್ಕಿಟ್, ದಕ್ಷಿಣ ಏಷ್ಯಾ – ಆರೋಗ್ಯ ಮತ್ತು ಪೋಷಣೆಯ ಪ್ರಾದೇಶಿಕ ಮಾರುಕಟ್ಟೆ ನಿರ್ದೇಶಕ ದಿಲೆನ್ ಗಾಂಧಿ, “ಡೆಟಾಲ್ ನ #DettolSalutes ಈ ಅಭಿಯಾನವು ದೇಶದ ಇತರ ಸಹಸ್ರಾರು ರಕ್ಷಕರಿಗೆ ಗೌರವ ಸಲ್ಲಿಸುವ ವಿಧಾನವಾಗಿದೆ. ಆದ್ದರಿಂದ, ಪ್ರಸಿದ್ಧ ಬ್ರಾಂಡ್ ಆಗಿರುವ ನಾವು ಡೆಟಾಲ್ ಇತಿಹಾಸದಲ್ಲಿಯೇ ಮೊದಲ ಬಾರಿಗೆ ಅವರ ಶ್ರೇಷ್ಠ ಕಾರ್ಯಗಳನ್ನು ಹಂಚಿಕೊಳ್ಳಲು ನಮ್ಮ ಲೋಗೊವನ್ನು ಬಿಟ್ಟು ಕೊಟ್ಟಿದ್ದೇವೆ. ನಮ್ಮ ಪ್ಯಾಕ್‌ಗಳಲ್ಲಿ ಈ ಕಥನಗಳನ್ನು ಹೇಳುತ್ತಿರುವುದರಿಂದ, ಅವು ನಮ್ಮ ದೇಶದಾದ್ಯಂತ ಭರವಸೆಯ ಸಂದೇಶವನ್ನು ಸಹ ಕೊಂಡೊಯ್ಯುತ್ತವೆ ಎಂದು ನಾವು ನಂಬುತ್ತೇವೆ.” ಎಂದರು.

ಇದನ್ನೂ ಓದಿ:ಇನ್ನೊಂದು ವಾರ ಲಾಕ್ ಡೌನ್ ವಿಸ್ತರಣೆ ಸಾಧ್ಯತೆ : ಸುಳಿವು ನೀಡಿದ ಸಿಎಂ

ಅಂತಹ ಒಂದು ಘಟನೆ ಬೆಂಗಳೂರಿನ 32 ವರ್ಷದ ಮನ್ಸೂರ್ ಚೆಟ್ಲು ಅವರ ಕಥೆ. ಕೋವಿಡ್ ನ ಎರಡನೇ ಅಲೆಯು ರಾಜ್ಯವನ್ನು ಅಪ್ಪಳಿಸುತ್ತಿದ್ದಂತೆ, ಅವರು ಉಚಿತ ಆಹಾರ ಪ್ಯಾಕೆಟ್‌ಗಳು, ಆಮ್ಲಜನಕ ಸಿಲಿಂಡರ್‌ಗಳನ್ನು ಕೋವಿಡ್ ಸಂತ್ರಸ್ತರಿಗೆ ವಿತರಿಸಿದರು, ಜೊತೆಗೆ ಈ ಸಿಲಿಂಡರ್‌ಗಳನ್ನು ಹೇಗೆ ಬಳಸಬೇಕೆಂದು ಜನರಿಗೆ ಮಾರ್ಗದರ್ಶನವನ್ನು ನೀಡಿದರು ಮತ್ತು ಬೃಹತ್ ಬೆಂಗಳೂರು ಮಹಾನಗರಪಾಲಿಕೆ (ಬಿಬಿಎಂಪಿ) ಸಹಯೋಗದೊಂದಿಗೆ ಕೋವಿಡ್ ಟ್ರಯಾಜ್ ತೆರೆಯಲು ಸಹಾಯ ಮಾಡಿದರು. ಮನ್ಸೂರ್ ಅವರು ಮಾರ್ಚ್ 2021 ರಲ್ಲಿ ತಮ್ಮ ಉದ್ಯೋಗವನ್ನು ಕಳೆದುಕೊಂಡಿದ್ದರೂ ಅವರು ಸಹಾಯ ಮುಂದುವರೆಸಿದರು. ಲಗೇಜ್ ಟ್ರಕ್‌ಗಳು, ಆಮ್ಲಜನಕದ ಪೈಪ್‌ಲೈನ್‌ಗಳನ್ನು ಸ್ಥಾಪಿಸಿದರು. ದಿನಕ್ಕೆ ಸುಮಾರು 18 ಗಂಟೆಗಳ ಕಾಲ ಕಾರ್ಯ ನಿರ್ವಹಿಸುವ ಮನ್ಸೂರ್, ಕೋವಿಡ್ ನಿಂದ ಬಳಲುತ್ತಿರುವ ಸುಮಾರು 1,000 ಕ್ಕೂ ಹೆಚ್ಚು ಜನರಿಗೆ ಸಹಾಯ ಮಾಡುದರು. ಗುರುತಿನ ಚೀಟಿಗಳ ಕೊರತೆಯಿಂದಾಗಿ ಸಹಾಯ ಪಡೆಯಲು ಸಾಧ್ಯವಾಗದ ನಿರ್ಗತಿಕರಿಗೆ ಮತ್ತೊಂದು ಟ್ರಯಾಜ್ ಸ್ಥಾಪಿಸುವ ಮೂಲಕ ತನ್ನ ಕೆಲಸವನ್ನು ವಿಸ್ತರಿಸಲು ಅವರು ನಿರ್ಧರಿಸಿದ್ದಾರೆ.

ಇಂಥ ಅನೇಕ ಕಥನಗಳನ್ನು ಇದು ಒಳಗೊಂಡಿದೆ‌. ಡೆಟಾಲ್ 4 ಮಿಲಿಯನ್ #DettolSalute ಪ್ಯಾಕ್‌ಗಳನ್ನು ತಯಾರಿಸಿದೆ.