ರಾಜ್ಯದಲ್ಲಿ 10 ಕೋಟಿ ಕೋವಿಡ್‌ ಲಸಿಕೆ ವಿತರಣೆ

Team Udayavani, Feb 24, 2022, 6:25 AM IST

ಬೆಂಗಳೂರು: ರಾಜ್ಯದಲ್ಲಿ ಬುಧವಾರ 10 ಕೋಟಿ ಕೊರೊನಾ ಲಸಿಕೆ ವಿತರಿಸಿದ್ದು, ಮೊದಲ ಡೋಸ್‌ ವಿತರಣೆಯಲ್ಲಿ ಶೇ.100 ಹಾಗೂ ಎರಡನೇ ಡೋಸ್‌ ವಿತರಣೆಯಲ್ಲಿ ಶೇ.93ರಷ್ಟು ಗುರಿ ಸಾಧಿಸಲಾಗಿದೆ.

ರಾಜ್ಯದಲ್ಲಿ 7.65 ಲಕ್ಷ ಮಂದಿ ಆರೋಗ್ಯ ಕಾರ್ಯಕರ್ತರು ಪ್ರಥಮ, 7.48 ಲಕ್ಷ ಮಂದಿ ದ್ವಿತೀಯ, 3.30ಲಕ್ಷ ಮಂದಿ ಮುನ್ನೆಚ್ಚರಿಕೆ ಡೋಸ್‌ ಪಡೆದುಕೊಂಡಿದ್ದಾರೆ. ಮುಂಚೂಣಿ ಕಾರ್ಯಕರ್ತರಲ್ಲಿ 9.44ಲಕ್ಷ ಮಂದಿ ಪ್ರಥಮ ಹಾಗೂ 9.29ಲಕ್ಷ ಮಂದಿ ದ್ವಿತೀಯ ಡೋಸ್‌, 1.50ಲಕ್ಷ ಮಂದಿ ಮುನ್ನೆಚ್ಚರಿಕೆ ಡೋಸ್‌ ಹಾಕಿಸಿಕೊಂಡಿದ್ದಾರೆ.

ಇನ್ನೂ 15-17ವರ್ಷದೊಳಗಿನ 24.12 ಲಕ್ಷ ವಿದ್ಯಾರ್ಥಿಗಳು ಪ್ರಥಮ ಹಾಗೂ 14.12ಲಕ್ಷ ವಿದ್ಯಾರ್ಥಿಗಳು ದ್ವಿತೀಯ ಡೋಸ್‌ ಪೂರ್ಣಗೊಳಿಸಿದ್ದಾರೆ.

ಉಳಿದಂತೆ 18-44ವರ್ಷದೊಳಗಿನ 2.91 ಕೋಟಿ ಪ್ರಥಮ ಹಾಗೂ 2.59ಕೋಟಿ ಮಂದಿ ದ್ವಿತೀಯ ಡೋಸ್‌ ಪಡೆದುಕೊಂಡಿದ್ದಾರೆ.

45ವರ್ಷ ಮೇಲ್ಪವರಲ್ಲಿ 1.88 ಕೋಟಿ ಪ್ರಥಮ, 1.78 ಕೋಟಿ ದ್ವಿತೀಯ ಡೋಸ್‌, 60ವರ್ಷ ಮೇಲ್ಪಟ್ಟವರಲ್ಲಿ 6.80 ಲಕ್ಷ ಮಂದಿ ಮುನ್ನೆಚ್ಚರಿಕೆ ಡೋಸ್‌ ಪಡೆದುಕೊಂಡಿದ್ದಾರೆ.

ಆ ಮೂಲಕ 5.20ಕೋಟಿ ಮಂದಿ ಮೊದಲ ಹಾಗೂ 4.68ಕೋಟಿ ಮಂದಿ ದ್ವಿತೀಯ, 11.61ಲಕ್ಷ ಮಂದಿ ಮುನ್ನೆಚ್ಚರಿಕೆ ಡೋಸ್‌ ಪಡೆಯುವ ಮೂಲಕ ರಾಜ್ಯಾದ್ಯಂತ ಒಟ್ಟು 10.01 ಕೋಟಿ ಡೋಸ್‌ ಲಸಿಕೆ ವಿತರಣೆಯಾಗಿದೆ.

ಈ ಕಾರ್ಯಕ್ರಮದ ಯಶಸ್ವಿಗೆ ಶ್ರಮಿಸಿದ ಆರೋಗ್ಯ ಕಾರ್ಯಕರ್ತರನ್ನು ಆರೋಗ್ಯ ಸಚಿವ ಡಾ. ಕೆ. ಸುಧಾಕರ್‌ ಟ್ವೀಟ್‌ ಮೂಲಕ ಅಭಿನಂದಿಸಿದ್ದಾರೆ.