ಮಲಬಾರ್‌ ಗೋಲ್ಡ್‌ನಿಂದ ದೀಪಾವಳಿ ವಿಶೇಷ ಆಫ‌ರ್‌

Team Udayavani, Oct 15, 2019, 3:03 AM IST

ಬೆಂಗಳೂರು: ಖ್ಯಾತ ಆಭರಣ ಸಂಸ್ಥೆ ಮತ್ತು ವಿಶ್ವದ ಅತಿ ದೊಡ್ಡ ಆಭರಣಗಳ ರಿಟೇಲರ್‌ ಆಗಿರುವ ಮಲಬಾರ್‌ ಗೋಲ್ಡ್‌ ಮತ್ತು ಡೈಮಂಡ್ಸ್‌, ಈ ಬಾರಿಯ ಬೆಳಕಿನ ಹಬ್ಬ ದೀಪಾವಳಿಗೆ ಗ್ರಾಹಕರಿಗೆ ಚಿನ್ನದ ಉಡುಗೊರೆ ಮತ್ತು ವಿಶೇಷ ರಿಯಾಯಿತಿಗಳನ್ನು ಘೋಷಿಸಿದೆ. ಭಾರತದಾದ್ಯಂತ ಇರುವ ತನ್ನೆಲ್ಲ ಮಳಿಗೆ ಗಳಲ್ಲಿ ಈ ವಿಶೇಷ ರಿಯಾಯಿತಿ ಲಭ್ಯವಿದ್ದು ಅಕ್ಟೋಬರ್‌ 4 ರಂದು ಆರಂಭ ವಾಗಿರುವ ಈ ಆಫ‌ರ್‌ ಮತ್ತು ರಿಯಾಯಿತಿ ಗಳು ನವೆಂಬರ್‌ 10 ರವರೆಗೆ ಇರಲಿವೆ.

15,000 ರೂ. ಮೌಲ್ಯದ ಚಿನ್ನಾಭರಣ ಖರೀದಿಸುವ ಗ್ರಾಹಕರಿಗೆ ಒಂದು ಚಿನ್ನದ ನಾಣ್ಯ ಉಡುಗೊರೆಯಾಗಿ ನೀಡಲಾಗು ತ್ತದೆ. 15,000 ರೂ. ಮೌಲ್ಯದ ವಜ್ರದ ಆಭರಣ ಖರೀದಿಸಿದರೆ ಎರಡು ಚಿನ್ನದ ನಾಣ್ಯಗಳು ಸಿಗಲಿವೆ. ಇದಲ್ಲದೇ, ಗ್ರಾಹಕರು “ಧನ್‌ತೇರಾಸಿ’ಗೆ ಮುಂಗಡ ವಾಗಿ ಬುಕ್‌ ಮಾಡಬಹುದು ಮತ್ತು ಬುಕ್‌ ಮಾಡಿದ ಚಿನ್ನಕ್ಕೆ ಸರಿಸಮಾನ ತೂಕದ ಬೆಳ್ಳಿ ಉಚಿತವಾಗಿ ಪಡೆಯ ಬ ಹುದು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಹಬ್ಬದ ಸೀಸನ್‌ಗಾಗಿ ವಿನ್ಯಾಸಗೊಳಿಸಲಾ ಗಿರುವ ಹೊಸ ಶ್ರೇಣಿಯ ಚಿನ್ನಾಭರಣಗಳು ಆಕರ್ಷಕ ಬೆಲೆಯಲ್ಲಿ ಲಭ್ಯವಿವೆ. ಚಿನ್ನದ ಬೆಲೆಯಲ್ಲಿನ ಏರಿಳಿತದ ಹಿನ್ನೆಲೆಯಲ್ಲಿ ಗ್ರಾಹಕರ ಹಿತ ಕಾಪಾಡುವ ನಿಟ್ಟಿನಲ್ಲಿ ಶೇ.10 ಮುಂಗಡ ಹಣ ಪಾವತಿಸಿ ಬುಕಿಂಗ್‌ ಸೌಲಭ್ಯ ಗ್ರಾಹಕರಿಗೆ ನೀಡಲಾಗು ತ್ತಿದೆ ಎಂದು ಮಲಬಾರ್‌ ಗ್ರೂಪ್‌ನ ಅಧ್ಯಕ್ಷ ಎಂ.ಪಿ.ಅಹ್ಮದ್‌ ಅವರು ತಿಳಿಸಿದರು.

ಗ್ರಾಹಕರೇ ನಮ್ಮ ನಿಜವಾದ ಶಕ್ತಿ. ನಾವು ಹಬ್ಬದ ಸೀಸನ್‌ಗಾಗಿ ಆಕರ್ಷಕ ಮತ್ತು ವಿಶೇಷವಾದ ರಿಯಾಯಿತಿಗಳು ಮತ್ತು ವಿಶೇಷ ದರಗಳನ್ನು ಪರಿಚಯಿಸಿದ್ದೇವೆ. ಈ ಮೂಲಕ ಸಾಮಾನ್ಯ ಗ್ರಾಹಕನೂ ಸಹ ಬೆಳಕಿನ ಹಬ್ಬ ದೀಪಾವಳಿಯ ತಮ್ಮ ನೆಚ್ಚಿನ ಚಿನ್ನಾಭರಣವನ್ನು ಖರೀದಿಸಿ ಕನಸನ್ನು ನನಸು ಮಾಡಿಕೊಳ್ಳಬಹುದಾಗಿದೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದರು.

ಗ್ರಾಹಕರ ವಿನಿಯೋಗಿಸುವ ಹಣಕ್ಕೆ ತಕ್ಕಂತೆ ಮೌಲ್ಯವನ್ನು ನಾವು ಖಾತರಿಪಡಿ ಸುವಲ್ಲಿ ಬದ್ಧರಾಗಿದ್ದೇವೆ. ನಮ್ಮ ಪಾರದರ್ಶಕತೆಯ ವ್ಯವಹಾರ, ವ್ಯಾಪಾರ ಪದ್ಧತಿಯ ತತ್ವ ಉತ್ಪನ್ನಗಳ ಸಾಚಾತನವನ್ನು ಗ್ರಾಹಕರೇ ಖಾತರಿಪಡಿಸಿಕೊಳ್ಳುವ ಇತ್ತೀಚಿನ ತಂತ್ರಜ್ಞಾನ ಅಳವಡಿಕೆ ಮತ್ತು ಅತ್ಯುತ್ಕೃಷ್ಟ ಗುಣಮಟ್ಟದಿಂದ ಇದು ಸಾಧ್ಯ ವಾಗಿದೆ ಎಂದು ಹೇಳಿದರು.

10 ದೇಶಗಳಲ್ಲಿ ಮಲಬಾರ್‌ ಗೋಲ್ಡ್‌ ಮತ್ತು ಡೈಮಂಡ್ಸ್‌ನ 250ಕ್ಕೂ ಹೆಚ್ಚು ಶೋರೂಂಗಳನ್ನು ಹೊಂದಿದೆ. ಬಿಐಎಸ್‌ ಹಾಲ್‌ಮಾರ್ಕ್‌, ಮೈನ್‌ ಬ್ರ್ಯಾಂಡ್‌ ಡೈಮಂಡ್‌ಗಳು (ಜಿಐಎ, ಐಜಿಐ ಪ್ರಮಾಣೀಕೃತ 28 ಹಂತಗಳ ಗುಣಮಟ್ಟ ಪರೀಕ್ಷೆ ನಂತರ ಆಭರ‌ಣಗಳನ್ನು ಗ್ರಾಹಕರಿಗೆ ತಲುಪಿಸಲಾಗುತ್ತದೆ), ಎರಾ ಅನ್‌ಕಟ್‌ ಡೈಮಂಡ್‌ ಆಭರಣಗಳು, ಪ್ರಸಿಯಾಜೆಮ್‌ ಜ್ಯುವೆಲ್ಲರಿ,

ಭಾರತೀಯ ಪಾರಂಪರಿಕ ವಿನ್ಯಾಸಗಳು, ಎಥಿಕ್ಸ್‌ ಬ್ರ್ಯಾಂಡ್‌ನ‌ ಕರ ಕುಶಲ ಆಭರಣಗಳು ಮತ್ತು ಮಕ್ಕಳಿಗೆ ಸ್ಟಾರ್‌ಲೆಟ್‌ ವಿನ್ಯಾಸಗಳು ಸೇರಿದಂತೆ ಅನೇಕ ವಿನ್ಯಾಸಗಳ ಚಿನ್ನಾಭರಣ ಮತ್ತು ವಜ್ರಾಭರಣಗಳು ಮಲಬಾರ್‌ ಶೋರೂಂ ಗಳಲ್ಲಿ ಲಭ್ಯವಿವೆ. ಎಲ್ಲ ವಯೋಮಾನ ಮತ್ತು ಎಲ್ಲ ವಿನ್ಯಾಸದ ಆಭರಣಗಳನ್ನು ಮಲಬಾರ್‌ ಗೋಲ್ಡ್‌ ಮತ್ತು ಡೈಮಂಡ್ಸ್‌ನ ಅಧಿಕೃತ ವೆಬ್‌ಸೈಟ್‌ www.malabargoldanddiamonds.com ನಲ್ಲಿಯೂ ಖರೀದಿಸಬಹುದಾಗಿದೆ.