ದೀಪಾವಳಿಗೆ ಇದೆ ಪಟಾಕಿ 

Team Udayavani, Oct 29, 2021, 6:43 AM IST

ಬೆಂಗಳೂರು: ದೀಪಾವಳಿಗೆ ದೀಪ ಹಚ್ಚುವುದು, ಪಟಾಕಿ ಹೊಡೆಯು ವುದು ಹಲವಾರು ವರ್ಷಗಳಿಂದ ನಡೆದು ಬಂದಿದೆ. ಪಟಾಕಿ ತರದಿದ್ದರೆ ಮನೆಯಲ್ಲಿ ಮಕ್ಕಳು ಕೇಳುತ್ತಾರೆಯೇ? ಸಾಧ್ಯವಾದಷ್ಟು ಕಡಿಮೆ ಪಟಾಕಿ ಹೊಡೆಯಬೇಕಷ್ಟೆ…

– ಇದು ಪರಿಸರ ಖಾತೆಯ ಸಚಿವ ಆನಂದ್‌ ಸಿಂಗ್‌ ಮಾತು. ದೀಪಾವಳಿಯಲ್ಲಿ ಪಟಾಕಿ ಮಾರಾಟಕ್ಕೆ ಅನುಮತಿ ನೀಡುವ ಸಂಬಂಧ ಇರುವ ಗೊಂದಲದ ಬಗ್ಗೆ ಕೇಳಿ ದಾಗ ಪ್ರತಿಕ್ರಿಯಿಸಿದ ಅವರು, ಪರೋಕ್ಷ ವಾಗಿ ಹಸುರು ನಿಶಾನೆ ನೀಡಿದರು.

ದೀಪಾವಳಿ ನಮ್ಮ ಸಾಂಪ್ರದಾಯಿಕ ಹಬ್ಬ. ಈ ಹಬ್ಬದಲ್ಲಿ ದೀಪ ಹಚ್ಚಬೇಕು, ಪಟಾಕಿ ಹೊಡೆಯಬೇಕು. ಪಟಾಕಿ ಬೇಡ ಎಂದರೆ ಮಕ್ಕಳು ಕೇಳುವುದಿಲ್ಲ. ಈ ಸಂಪ್ರದಾಯವನ್ನು ಏಕಾಏಕಿ ನಿಲ್ಲಿ ಸಲು ಸಾಧ್ಯವಿಲ್ಲ. ಸಾಧ್ಯವಾದಷ್ಟು ಕಡಿಮೆ ಪಟಾಕಿ ಬಿಡಬೇಕು ಮತ್ತು ಎಚ್ಚರಿಕೆಯಿಂದ ಸಿಡಿಸಬೇಕು. ಹಬ್ಬವನ್ನು ಸರಳವಾಗಿ ಆಚರಿಸಬೇಕು ಎಂದು ಅವರು ಸುದ್ದಿಗಾರರಿಗೆ ತಿಳಿಸಿದರು.