ಸಂಜೆ ಪಾಲಿಟೆಕ್ನಿಕ್‌ಗೆ ಪ್ರವೇಶ

Team Udayavani, Feb 6, 2019, 1:17 AM IST

ಬೆಂಗಳೂರು: ಸರ್ಕಾರಿ ಹಾಗೂ ಅನುದಾನಿತ(ಸಂಜೆ) ಪಾಲಿಟೆಕ್ನಿಕ್‌ ಕಾಲೇಜಿನಲ್ಲಿ 2018-19ನೇ ಸಾಲಿನ ಮೂರು ಮತ್ತು ಐದನೇ ಸೆಮಿಸ್ಟರ್‌ ತರಗತಿಗೆ ಸೇರಿಕೊಳ್ಳಲು ಅರ್ಹ ವಿದ್ಯಾರ್ಥಿಗಳಿಗೆ ಫೆ.16ರವರೆಗೂ ಅವಕಾಶ ನೀಡಲಾಗಿದೆ. ಹಿಂದಿನ ಸೆಮಿಸ್ಟರ್‌ಗಳಲ್ಲಿ ಹಾಜರಾತಿ ಕಡಿಮೆ ಇರುವ ವಿದ್ಯಾರ್ಥಿಗಳು ಪ್ರವೇಶ ಪಡೆದುಕೊಳ್ಳಲು ಅರ್ಹರಿರುವುದಿಲ್ಲ.

ಪರೀಕ್ಷಾ ಅವ್ಯವಹಾರ ನಡೆಸಿದ್ದ ವಿದ್ಯಾರ್ಥಿಗಳಿಗೆ ತಾಂತ್ರಿಕ ಶಿಕ್ಷಣ ಮಂಡಳಿಯ ಅನುಮತಿ ಪತ್ರ ಇಲ್ಲದೇ ಪ್ರವೇಶ ನೀಡುವಂತಿಲ್ಲ ಎಂಬುದು ಸೇರಿ ಇಲಾಖೆಯ ಎಲ್ಲ ನಿಯಮವನ್ನು ಪ್ರಾಂಶುಪಾಲರು ಕಡ್ಡಾಯವಾಗಿ ಪರಿಶೀಲಿಸಿ, ಅರ್ಹ ವಿದ್ಯಾರ್ಥಿಗಳಿಗೆ ಮಾತ್ರ ಪ್ರವೇಶ ನೀಡಬೇಕು ಎಂದು ತಾಂತ್ರಿಕ ಶಿಕ್ಷಣ ಇಲಾಖೆ ಪ್ರಕಟಣೆ ತಿಳಿಸಿದೆ. ಫೆ.16ರವರೆಗೆ ಯಾವುದೇ ದಂಡ ಶುಲ್ಕ ಇರುವುದಿಲ್ಲ. ಫೆ.22ರವರೆಗೆ 200 ರೂ. ದಂಡಶುಲ್ಕ, ಫೆ.26ರವರೆಗೆ 400 ರೂ. ದಂಡಶುಲ್ಕ, ಫೆ.28ರವರೆಗೆ 1 ಸಾವಿರ ದಂಡ ಶುಲ್ಕ ಪಾವತಿಸಿ ಅರ್ಹ ವಿದ್ಯಾರ್ಥಿಗಳು ಪ್ರವೇಶ ಪಡೆಯಬಹುದು. ಮಾಹಿತಿಗಾಗಿ ಇಲಾಖೆ ವೆಬ್‌ಸೈಟ್‌ http://dte.kar.nic.in ನೋಡಬಹುದು ಎಂದು ತಿಳಿಸಿದೆ