ಸಂಗೀತಾ ಮೊಬೈಲ್ಸ್‌ನಲ್ಲಿ ಹಬ್ಬದ ಕೊಡುಗೆ ಮಾರಾಟ

Team Udayavani, Oct 2, 2019, 3:03 AM IST

ಬೆಂಗಳೂರು: ಮೊಬೈಲ್‌ ಫೋನ್‌ ರಿಟೇಲ್‌ ಮಾರಾಟ ಕ್ಷೇತ್ರದ ಸಂಗೀತಾ ಮೊಬೈಲ್ಸ್‌ ಪ್ರೈ. ಲಿ.,ದೇಶಾದ್ಯಂತ ತನ್ನ ಸಂಗೀತಾ ಮಳಿಗೆಗಳಲ್ಲಿ ಹಬ್ಬದ ದಿನಗಳ ಪ್ರಯುಕ್ತ ಆಕರ್ಷಕ ಕೊಡುಗೆ ಗಳು, ರಿಯಾಯಿತಿ ಮತ್ತು ಕಡಿಮೆ ಬೆಲೆಯಲ್ಲಿ ಸ್ಮಾರ್ಟ್‌ಫೋನ್‌ಗಳ ಮಾರಾಟವನ್ನು ಹಮ್ಮಿಕೊಂಡಿದೆ.

ವಿವಿಧ ವಿಭಾಗಗಳಲ್ಲಿ ಅನೇಕ ಬ್ರ್ಯಾಂಡ್‌ಗಳ ಫೋನ್‌ಗಳನ್ನು ಹೊಂದಿರುವ ಸಂಗೀತಾ ಶೋರೂಂಗಳಲ್ಲಿ ಗ್ರಾಹಕರಿಗೆ ಆಕರ್ಷಣೀಯ ಕೊಡುಗೆಗಳನ್ನು ನೀಡಲಾಗುತ್ತಿದೆ. ಆನ್‌ಲೈನ್‌ ಅಥವಾ ಆಫ್‌ಲೈನ್‌ನಲ್ಲಿ ಸ್ಮಾರ್ಟ್‌ಫೋನ್‌ ಕೊಳ್ಳುವ ಎಲ್ಲ ಗ್ರಾಹಕರಿಗೂ ಈ ಯೋಜನೆ ಅನ್ವಯವಾಗುತ್ತದೆ. ಹಬ್ಬದ ದಿನಗಳಲ್ಲಿ ಸ್ಮಾರ್ಟ್‌ಫೋನ್‌ ಪ್ರಿಯರಲ್ಲಿ ಮತ್ತಷ್ಟು ಸಂತೋಷ, ಸಂಭ್ರಮ ತರುವ ಉದ್ದೇಶ ಸಂಗೀತಾ ಮೊಬೈಲ್ಸ್‌ ಹೊಂದಿದೆ ಎಂದು ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕ ಸುಭಾಷ್‌ ಚಂದ್ರ ತಿಳಿಸಿದ್ದಾರೆ.

ಕೊಡುಗೆಗಳು: ಸಂಗೀತಾದಲ್ಲಿ ಪ್ರತಿಯೊಂದು ಸ್ಮಾರ್ಟ್‌ಫೋನ್‌ ಕೊಳ್ಳುವ ಗ್ರಾಹಕನ ಅಂತಿಮ ಇಎಂಐ ಉಚಿತ, ಜಿಯೋ ಸಿಮ್‌ ಕಾರ್ಡ್‌ ಫ್ರೀ ಹಾಗೂ 8,400 ರೂ.ಮೌಲ್ಯದ ಬಂಪರ್‌ ಕೊಡುಗೆಗಳು. ಈಸಿಮೈಟ್ರಿಪ್‌ನಿಂದ ಬಸ್‌, ವಿಮಾನ ಟಿಕೆಟ್‌ ಅಥವಾ ಹೋಟೆಲ್‌ ಸ್ಟೇ ಮೇಲೆ 2,650 ರೂ.ಕೊಡುಗೆ. ನಂತರದ ಖರೀದಿ ಮೇಲೆ 3,000 ರೂ. ರಿಯಾಯಿತಿ ಹಾಗೂ ಜತೆಯಲ್ಲಿ 2,750 ರೂ.ಮೌಲ್ಯದ ಇತರ ಪ್ರಯೋಜನಗಳಿರುತ್ತವೆ.

ಇಷ್ಟೇ ಅಲ್ಲದೆ, ಮತ್ತಷ್ಟು ಸಂಗೀತಾ ಕೊಡುಗೆಗಳಲ್ಲಿ 6 ತಿಂಗಳಲ್ಲಿ ಮೊಬೈಲ್‌ ಸ್ಕ್ರೀನ್‌ ಬದಲಾವಣೆ, 12 ತಿಂಗಳ ಭರವಸೆಯ ಮರು ಖರೀದಿ, 30 ದಿನಗಳ ಬೆಲೆ ಕುಸಿತ ರಕ್ಷಣೆ ನೀಡಲಾಗುತ್ತದೆ. ಈ ಎಲ್ಲ ಅದ್ಭುತ ಕೊಡುಗೆಗಳೊಂದಿಗೆ 9 ರಾಜ್ಯಗಳಲ್ಲಿ 600 ಶೋ ರೂಂಗಳ 6 ಕೋಟಿ ಗ್ರಾಹಕರು ಸಂಗೀತಾದಲ್ಲಿ ಹಬ್ಬವನ್ನು ಆಚರಿಸಿಕೊಳ್ಳಲೆಂದು ಆಶಿಸುತ್ತೇನೆ ಎಂದ‌ರು.