ವಿಷಕಾರಿ ಅಣಬೆ ಸೇವಿಸಿ ಹದಿನೈದು ಮಂದಿ ಅಸ್ವಸ್ಥ

Team Udayavani, Jul 21, 2019, 3:00 AM IST

ಶಿವಮೊಗ್ಗ: ವಿಷಪೂರಿತ ಅಣಬೆ ಸೇವಿಸಿ 15 ಮಂದಿ ಅಸ್ವಸ್ಥರಾದ ಘಟನೆ ತೀರ್ಥಹಳ್ಳಿ ತಾಲೂಕಿನ ಕೋಣಂದೂರು ವ್ಯಾಪ್ತಿಯ ಸಂತೆಹಕ್ಲು ಎಂಬಲ್ಲಿ ನಡೆದಿದೆ. ಗ್ರಾಮದ ಹರಿಯಪ್ಪ ಎಂಬುವರು ಈಚೆಗೆ ಮೃತಪಟ್ಟಿದ್ದು, ಅವರ ಅಂತ್ಯಸಂಸ್ಕಾರಕ್ಕೆ ಬೆಂಗಳೂರಿನಿಂದ ಬಂದಿದ್ದ ಸಂಬಂಧಿ ಕರು ಗ್ರಾಮದಲ್ಲೇ ಉಳಿದಿದ್ದರು.

ಶುಕ್ರವಾರ ರಾತ್ರಿ 5 ಅಣಬೆಯೊಂದಿಗೆ 2 ವಿಷಯುಕ್ತ ಅಣಬೆಯನ್ನೂ ಬಳಸಿ ಸಾಂಬಾರ್‌ ತಯಾರಿಸಿ ಊಟ ಮಾಡಿದ್ದಾರೆ. ಆದರೆ ರಾತ್ರಿ 11ರ ಸುಮಾರಿಗೆ ಎಲ್ಲರೂ ವಾಂತಿ ಮಾಡಲಾರಂಭಿಸಿದ್ದಾರೆ. ತಕ್ಷಣ ಜೆಸಿ ಆಸ್ಪತ್ರೆಗೆ ಕರೆತಂದು ಚಿಕಿತ್ಸೆ ನೀಡಲಾಗಿತ್ತು.

ಸೂಕ್ತ ಚಿಕಿತ್ಸೆಯಿಂದ ಎಲ್ಲರೂ ಚೇತರಿಸಿಕೊಂಡಿದ್ದು ಶನಿವಾರ ಬೆಳಗ್ಗೆ ಆಸ್ಪತ್ರೆಯಿಂದ ಡಿಸ್ಚಾರ್ಜ್‌ ಮಾಡಲಾಗಿದೆ. ಈ ಘಟನೆ ನಡೆದ ಹಿನ್ನೆಲೆಯಲ್ಲಿ ಕೋಣಂದೂರು ಪ್ರಾಥಮಿಕ ಆರೋಗ್ಯ ಕೇಂದ್ರದ ತಂಡ ಸಂತೆಹಕ್ಲು ಗ್ರಾಮದ 26 ಮನೆಗಳಿಗೆ ತೆರಳಿ ವಿಷಕಾರಿ ಅಣಬೆ ಕುರಿತಂತೆ ಮಾಹಿತಿ ನೀಡಿ ಜಾಗೃತಿ ಮೂಡಿಸಿದೆ.