ಗ್ರಾ.ಪಂ. ಸದಸ್ಯನ ಬರ್ಬರ ಹತ್ಯೆ

Team Udayavani, Feb 20, 2019, 12:25 AM IST

ಪಾಂಡವಪುರ: ಗ್ರಾಮ ದೇವತೆ ಉತ್ಸವದಲ್ಲಿ ಹಳೇ ದ್ವೇಷದಿಂದ ಹೊಂಚು ಹಾಕುತ್ತಿದ್ದ ಕುಟುಂಬವೊಂದು ಚಿಕ್ಕಾಡೆ ಗ್ರಾ. ಪಂ. ಸದಸ್ಯನನ್ನು ಮಾರಕಾಸ್ತ್ರಗಳಿಂದ ಕೊಚ್ಚಿ ಕೊಲೆ ಮಾಡಿ, ನಾಲ್ವರನ್ನು ಗಂಭೀರ ಗಾಯಗೊಳಿಸಿರುವ ಘಟನೆ ಸೋಮವಾರ ತಡರಾತ್ರಿ ಚಿಕ್ಕಾಡೆಯಲ್ಲಿ ನಡೆದಿದೆ. 

ಚಿಕ್ಕಾಡೆ ಗ್ರಾ. ಪಂ. ಸದಸ್ಯ ತಿಮ್ಮೇಗೌಡ (50) ಕೊಲೆಯಾದವರು.  ಅದೇ ಗ್ರಾಮದ ಪಾಪೇಗೌಡರ ಮಕ್ಕಳಾದ ದೇವೇಗೌಡ ಅಲಿಯಾಸ್‌ ಆನಂದ, ಯೋಗೇಗೌಡ, ಕುಮಾರ, ಯೋಗೇಗೌಡನ ಮಗ ಮದನ ಮತ್ತು ಸಂಬಂಧಿ ಬೋರೆ ಆನಂದೂರು ಗ್ರಾಮದ ಚಂದು ಮಾರಕಾಸ್ತ್ರಗಳಿಂದ ಕೊಚ್ಚಿ ಕೊಲೆ ಮಾಡಿದ್ದಾರೆ.ಪಟ್ಟಣದ ಸಾರ್ವಜನಿಕ ಆಸ್ಪತ್ರೆಗೆ ಸಚಿವ ಪುಟ್ಟರಾಜು ಭೇಟಿ ನೀಡಿ ಮೃತರ ಕುಟುಂಬಕ್ಕೆ ಸಾಂತ್ವನ ಹೇಳಿದರು.