Hubli; ಬೆಂಬಲ ಬೆಲೆಯಲ್ಲಿ‌‌ ಉದ್ದು, ಸೋಯಾಬಿನ್‌‌ ಖರೀದಿಸಲು ಕೇಂದ್ರದ ಒಪ್ಪಿಗೆ: ಜೋಶಿ

Team Udayavani, Aug 30, 2024, 3:00 PM IST

ಹುಬ್ಬಳ್ಳಿ: ಕೇಂದ್ರ ಸರ್ಕಾರ ಬೆಂಬಲ ಬೆಲೆಯಡಿ ಕೃಷಿ ಉತ್ಪನ್ನಗಳ ಖರೀದಿಯನ್ನು ಇನ್ನೆರಡು ಬೆಳೆಗಳಿಗೂ ವಿಸ್ತರಿಸಲಾಗಿದ್ದು ಉದ್ದು, ಸೋಯಾಬಿನ್‌‌ ಸಹ ಬೆಂಬಲ ಬೆಲೆಯಲ್ಲಿ‌‌ ಖರೀದಿಸಲು ಒಪ್ಪಿಗೆ ನೀಡಲಾಗಿದೆ ಎಂದು‌ ಕೇಂದ್ರ ಸಚಿವ ಪ್ರಹ್ಲಾದ ಜೋಶಿ‌ (Pralhad Joshi) ಹೇಳಿದ್ದಾರೆ.

ರಾಜ್ಯದ ರೈತರಿಗೆ ಕೇಂದ್ರ ಸರ್ಕಾರದಿಂದ ಗಣೇಶ ಹಬ್ಬದ ಕೊಡುಗೆ ಇದಾಗಿದೆ. ಕೇಂದ್ರ ಸರ್ಕಾರ ಈಗಾಗಲೇ ಹೆಸರು, ಸೂರ್ಯಕಾಂತಿಯನ್ನು ಬೆಂಬಲ‌ ಬೆಲೆಯಲ್ಲಿ‌ಖರೀದಿಸಲು‌ ಒಪ್ಪಿಗೆ ನೀಡಲಾಗಿದ್ದು, ಇದೀಗ ಉದ್ದು, ಸೋಯಾಬಿನ್‌‌ ಬೆಳೆ ಸೇರ್ಪಡೆಯಾಗಿದೆ ಎಂದರು.

ರಾಜ್ಯದಲ್ಲಿ 2024-25 ನೇ ಸಾಲಿನ ಮುಂಗಾರು ಹಂಗಾಮಿನಲ್ಲಿ‌ 19,760 ಮೆಟ್ರಿಕ್ ಟನ್ ಉದ್ದು, 1, 03,315 ಮೆಟ್ರಿಕ್ ಟನ್ ನಷ್ಟು ಸೋಯಾಬಿನ್‌‌ ಖರೀದಿಗೆ ಕೇಂದ್ರ ಒಪ್ಪಿಗೆ ನೀಡಿದೆ.

ರಾಜ್ಯದಲ್ಲಿ 90 ದಿನಗಳ ಅವಧಿಗೆ ಖರೀದಿ ಕೇಂದ್ರ ತರೆದು ಉದ್ದು, ಸೋಯಾಬಿನ್‌‌ ಖರೀದಿಗೆ ರಾಜ್ಯ ಸರ್ಕಾರಕ್ಕೆ ಸೂಚನೆ ನೀಡಲಾಗಿದೆ.

ಉದ್ದು ಕಾಳಿಗೆ ಕ್ವಿಂಟಲ್‌ಗೆ 7400, ಸೋಯಾಬಿನ್‌‌ ಕ್ವಿಂಟಲ್ ಗೆ 4892 ರೂ. ನಿಗದಿ ಪಡಿಸಲಾಗಿದೆ ಎಂದು‌ ಜೋಶಿ‌ ಪ್ರಕಟನೆಯಲ್ಲಿ‌ ತಿಳಿಸಿದ್ದಾರೆ.