ಕಾರ್ಖಾನೆಯಲ್ಲಿ ಭಾರೀ ಅಗ್ನಿ ಅವಘಡ: ಇಬ್ಬರು ಸಜೀವ ದಹನ

Team Udayavani, Mar 31, 2017, 2:52 PM IST

ಬೆಂಗಳೂರು : ಹಳೆಗುಡ್ಡದಲ್ಲಿರುವ  ಕುರ್ಚಿ ತಯಾರಿಕಾ ಕಾರ್ಖಾನೆಯೊಂದರಲ್ಲಿ ಶುಕ್ರವಾರ ಮಧ್ಯಾಹ್ನ ಭಾರೀ ಅಗ್ನಿ ಅವಘಡ ಸಂಭವಿಸಿ ಇಬ್ಬರು ಸಜೀವ ದಹನಗೊಂಡಿದ್ದು,ಕೆಲ ಕಾರ್ಮಿಕರು ಸಣ್ಣ ಪುಟ್ಟ ಗಾಯಗಳಿಂದ ಪಾರಾಗಿದ್ದಾರೆ. 

10 ಅಗ್ನಿ ಶಾಮಕ ದಳದ ವಾಹನಗಳೊಂದಿಗೆ ಸ್ಥಳಕ್ಕಾಗಮಿಸಿದ ಸಿಬಂದಿಗಳು ಬೆಂಕಿಯನ್ನು ನಂದಿಸಲು, ಕಾರ್ಮಿಕರನ್ನು ರಕ್ಷಿಸಲು ಹರಸಾಹಸ ಪಟ್ಟರು. 

ಮೊದಲ ಮಹಡಿಯಲ್ಲಿ ಕಾರ್ಮಿಕರು ಸಿಲುಕಿದ್ದು  ಅವರನ್ನು ರಕ್ಷಿಸಲಾಗಿದೆ. ನೆಲ ಮಹಡಿ ಯಲ್ಲಿ ಬೆಂಕಿ ಹೊತ್ತಿಕೊಂಡು ಉರಿದಿರುವ ಬಗ್ಗೆ ವರದಿಯಾಗಿದೆ. ಬೆಂಕಿಯನ್ನು ನಂದಿಸುವಲ್ಲಿ ಅಗ್ನಿ ಶಾಮಕ ದಳದ ಸಿಬಂದಿಗಳು ಯಶಸ್ವಿಯಾಗಿದ್ದಾರೆ. 

ಸಜೀವ ದಹನ ಗೊಂಡ ಕಾರ್ಮಿಕರು ಬಿಹಾರ ಮೂಲದ ಆಸೀಫ್ , ಮೆಹತಾಬ್‌ ಎಂದು ತಿಳಿದು ಬಂದಿದೆ.

4  ಅಂತಸ್ಥಿನ ಕಟ್ಟದಲ್ಲಿ  ಇಬ್ರಾಹಿಂ ಅವರಿಗೆ ಸೇರಿದ ಕಾರ್ಖಾನೆ ನೆಲ ಮಹಡಿಯಲ್ಲಿದ್ದು, ಮೊದಲ ಮಹಡಿಯಲ್ಲಿ ಮದರಸಾ ಪಾಠ ನಡೆಯುತ್ತಿದ್ದು, ಉಳಿದ 2 ಅಂತಸ್ಥಿನಲ್ಲಿ ಜನ ವಸತಿ ಇದ್ದರು ಎಂದು ತಿಳಿದು ಬಂದಿದೆ.

ಜೆ.ಜೆ ನಗರ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ. ಹೆಚ್ಚಿನ ವಿವರ ನಿರೀಕ್ಷಿಸಲಾಗುತ್ತಿದೆ.