ಹೇಗೆ ಡೀಲ್‌ ಮಾಡಬೇಕು ಎಂದು HDKಯಿಂದ ಕಲಿಯಬೇಕಾಗಿಲ್ಲ…!

Team Udayavani, Mar 10, 2018, 12:19 PM IST

ಮೈಸೂರು: ‘ಅಧಿಕಾರಿಗಳೊಂದಿಗೆ ಹೇಗೆ ಡೀಲ್‌ ಮಾಡುವುದು, ಹೇಗೆ ಕೆಲಸ ಮಾಡಬೇಕು ಎನ್ನುವುದನ್ನು ಕಮಾರಸ್ವಾಮಿ ಯಿಂದ ಕಲಿಯಬೇಕಾಗಿಲ್ಲ, ಅವರ ರಾಜಕೀಯ ಪಾಠ ನನಗೆ ಬೇಕಾಗಿಲ್ಲ’ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಶನಿವಾರ ಕಿಡಿ ಕಾರಿದ್ದಾರೆ. 

ಮಾಜಿ ಸಿಎಂ ಎಚ್‌.ಡಿ.ಕುಮಾರಸ್ವಾಮಿ ಅವರ ಆರೋಪದ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಸಿಎಂ ‘ಚುನಾವಣೆ ಹತ್ತಿರ ಬಂದಿದೆ ಎಂದು ಸುಳ್ಳನ್ನು ಬಾಯಿಗೆ ಬಂದಂಗೆ ಮಾತನಾಡುತ್ತಿದ್ದಾರೆ. ಕುಮಾರಸ್ವಾಮಿ ರಾಜಕೀಯಕ್ಕೆ ಬರುವ ಮುನ್ನ ನಾನು ಮಿನಿಸ್ಟರ್‌ ಆಗಿದ್ದೆ. ನಾನು 84 ರಲ್ಲೇ ಮಿನಿಸ್ಟರ್‌ ಆದವನು, ಅವರಿಂದ ಪಾಠ ಕಲಿಯಬೇಕಾಗಿಲ್ಲ’ ಎಂದರು. 

ಲೋಕಾಯುಕ್ತ ನ್ಯಾಯಮೂರ್ತಿ ಪಿ. ವಿಶ್ವನಾಥ್‌ ಶೆಟ್ಟಿ ಅವರ ಮೇಲಾದ  ಚಾಕು ಇರಿತ ಪ್ರಕರಣಕ್ಕೆ ಸಂಬಂಧಿಸಿದಂತೆ  ಸರಕಾರ ವಿಧಾನಸೌಧ ಭದ್ರತಾ ವಿಭಾಗದ, ಡಿಸಿಪಿ ಯೋಗೇಶ್ ಅವರನ್ನು ಕರ್ತವ್ಯ ಲೋಪ ಆರೋಪದಲ್ಲಿ  ಅಮಾನತುಗೊಳಿಸಿತ್ತು, ಈ ಬಗ್ಗೆ ಕುಮಾರಸ್ವಾಮಿ ಅವರು ದ್ವೇಷದಲ್ಲಿ ಒಕ್ಕಲಿಗ ಅಧಿಕಾರಿಯನ್ನು ಅಮಾನತು ಮಾಡಿದ್ದಾರೆ ಎಂದು ಆರೋಪಿಸಿದ್ದರು.