ನಟರಿಗೆ ಜನ ಬೆಂಬಲವಿದ್ದರೆ ಮತಗಳಾಗಿ ಪರಿವರ್ತನೆ

Team Udayavani, Apr 4, 2019, 6:10 AM IST

ಹಾವೇರಿ: ಚಲನಚಿತ್ರ ನಟರು ನಿರಂತರ ಜನಸಂಪರ್ಕದಲ್ಲಿದ್ದರೆ ಜನ ಬೆಂಬಲ ಮತಗಳಾಗಿ ಪರಿವರ್ತನೆಯಾಗುತ್ತವೆ ಎಂಬುದಕ್ಕೆ ನಾನೇ ಸಾಕ್ಷಿ ಎಂದು ಶಾಸಕ ಬಿ.ಸಿ. ಪಾಟೀಲ ಹೇಳಿದರು.

“ಚಿತ್ರನಟರ ಪ್ರಚಾರದಿಂದ ಅಭ್ಯರ್ಥಿಗೆ ಮತವಾಗಿ ಪರಿವರ್ತ ನೆಗೊಳ್ಳುವುದಿಲ್ಲ’ ಎಂಬ ಸಿಎಂ ಕುಮಾರಸ್ವಾಮಿ ಹೇಳಿಕೆಗೆ ಬುಧವಾರ ಮಾಧ್ಯಮದವರೊಂದಿಗೆ ಪ್ರತಿಕ್ರಿಯಿಸಿದ ಅವರು, ಚಲನಚಿತ್ರ ನಟನಾಗಿದ್ದ ನಾನು ಹಿರೇಕೆರೂರಿನಿಂದ ವಿಧಾನಸಭೆಗೆ ಸ್ಪರ್ಧಿಸಿದಾಗ 5 ಸಾವಿರ ಮತಗಳೂ ಬೀಳುವುದಿಲ್ಲ ಎಂದು ಹಲವರು ಲೇವಡಿ ಮಾಡಿದ್ದರು. ಆದರೆ, ಜನರೊಂದಿಗಿನ ನಿರಂತರ ಸಂಪರ್ಕ ಮತ್ತು ಒಡನಾಟ ಎಲ್ಲವನ್ನೂ ಬದಲಾಯಿಸಿದ್ದು ಶಾಸಕನಾಗಿ ಆಯ್ಕೆಯಾಗಿದ್ದೇನೆ. ಅದರಂತೆ ದರ್ಶನ್‌ ಮತ್ತು ಯಶ್‌ ನಿರಂತರವಾಗಿ ಜನರ ಒಡನಾಟ ಹೊಂದಿದ್ದರೆ ಜನಬೆಂಬಲ ಮತಗಳಾಗಿ ಪರಿವರ್ತನೆಗೊಳ್ಳುವುದರಲ್ಲಿ ಅನುಮಾನವಿಲ್ಲ. ಚಿತ್ರನಟರ ಪ್ರಚಾರದಿಂದ ಜನಬೆಂಬಲ ಮತಗಳಾಗಿ ಪರಿವರ್ತನೆಗೊಳ್ಳುವ ಬಗ್ಗೆ ಜನರು ತೀರ್ಮಾನಿಸುತ್ತಾರೆ ಎಂದರು.