ಇಂದಿರಾ ಕ್ಯಾಂಟೀನ್‌ ನಲ್ಲಿ ಲಭ್ಯವಾಗಲಿದೆ ಮುದ್ದೆ-ಸೊಪ್ಪುಸಾರು, ಬ್ರೆಡ್‌ಜಾಮ್‌, ಪಾಯಸ

Team Udayavani, Jun 21, 2023, 2:30 PM IST

ಬೆಂಗಳೂರು: ಮುಖ್ಯಮಂತ್ರಿ ಸಿದ್ದರಾಮಯ್ಯ ನೇತೃತ್ವದ ಸರ್ಕಾರ ಇಂದಿರಾ ಕ್ಯಾಂಟೀನ್‌ಗೆ ಮರು ಜೀವ ನೀಡಿದ್ದು, ಹೊಸದಾಗಿ ಮತ್ತಷ್ಟು ತಿಂಡಿ, ತಿನಿಸುಗಳು ಮೆನುನಲ್ಲಿ ಸೇರ್ಪಡೆ ಆಗುವ ಸಾಧ್ಯತೆ ಇದೆ. ಅನ್ನ, ಸಾಂಬಾರು ಜತೆಗೆ ಬ್ರೇಡ್‌, ಜಾಮೂನ್‌ ಸೇರಿದಂತೆ ಮತ್ತಿತರರ ಆಹಾರ ಪದಾರ್ಥಗಳು ಕ್ಯಾಂಟೀನ್‌ನಲ್ಲಿ ದೊರೆಯಲಿದ್ದು ಶೀಘ್ರವೇ ಹೊಸ ಮೆನು ಇಂದಿರಾ ಕ್ಯಾಂಟೀನ್‌ನಲ್ಲಿ ಲಭ್ಯವಾಗಲಿದೆ.

ಈ ಹಿಂದೆ ಕೇವಲ ಅನ್ನ, ಸಾಂಬಾರ್‌ ಸೇರಿದಂತೆ ಮತ್ತಿತರರ ಊಟಕ್ಕೆ ಸೀಮಿತವಾಗಿದ್ದ ಇಂದಿರಾ ಕ್ಯಾಂಟೀನ್‌ನ ಆಹಾರ ಪೂರೈಕೆಯಲ್ಲಿ ಮತ್ತಷ್ಟು ಬದಲಾವಣೆ ಆಗಲಿದೆ. ಇಂದಿರಾ ಕ್ಯಾಂಟೀನ್‌ನಲ್ಲಿ ದರ್ಶನಿ ರೀತಿಯ ಮೆನು ಗ್ರಾಹಕರಿಗೆ ದೊರೆಯಲಿದೆ. ಮೆನು ಬದಲಾವಣೆಯ ಬಗ್ಗೆ ಈಗಾಗಲೇ ಬಿಬಿಎಂಪಿ ಅಧಿಕಾರಿಗಳು ಸರ್ಕಾರದ ಗಮನಕ್ಕೆ ಈಗಾಗಲೇ ತಂದಿದ್ದಾರೆ. ಬ್ರೆಡ್‌ ಜಾಮ್‌, ಮಂಗಳೂರು ಬನ್ಸ್‌ , ರಾಗಿಮುದ್ದೆ-ಸೊಪ್ಪುಸಾರು, ಪಾಯಸ, ಚಪಾತಿ-ಸಾಗು ಹೊಸದಾಗಿ ಸೇರ್ಪಡೆ ಮಾಡುವ ಬಗ್ಗೆ ಕೂಡ ಸರ್ಕಾರಕ್ಕೆ ಮನವಿ ಮಾಡಿದ್ದು ಬಹಳ ಮೆನುಗಳ ಬದಲಾಗಲಿವೆ ಎಂದು ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ವಾರದ ಏಳು ದಿನ ಕೂಡ ವಿವಿಧ ರೀತಿಯ ತಿಂಡಿ-ತಿನಿಸುಗಳು ಗ್ರಾಹಕರಿಗೆ ದೊರೆಯಲಿವೆ. ರಾಗಿ, ಮುದ್ದೆ ಸೊಪ್ಪು ಸಾರು ಜತೆಗೆ ಟೀ ಮತ್ತು ಕಾಫಿ ಕೂಡ ಗ್ರಾಹಕರಿಗೆ ದೊರಕಲಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಪಾಲಿಕೆ ಮುಖ್ಯ ಆಯುಕ್ತ ತುಷಾರ್‌ ಗಿರಿನಾಥ್‌, ಇಂದಿರಾ ಕ್ಯಾಂಟೀನ್‌ಗಳ ಮೆನು ಅನ್ನು ಈಗಾಗಲೇ ಪಾಲಿಕೆ ವತಿಯಿಂದ ಸರ್ಕಾರಕ್ಕೆ ಕಳುಹಿಸಿ ಕೊಡಲಾಗಿದೆ. ಅದು ಇನ್ನೂ ಅಂತಿಮಗೊಂಡಿಲ್ಲ. ಇಂದಿರಾ ಕ್ಯಾಂಟೀನ್‌ ನ ಹಳೆಮೆನುನಲ್ಲಿ ಕೆಲವು ವ್ಯತ್ಯಾಸಗಳು ಸರಿಪಡಿಸಬೇಕಾಗಿದೆ. ಊಟದಲ್ಲಿ ಕೆಲವೊಂದು ಐಟಂಗಳ ವ್ಯತ್ಯಾಸವಿದೆ. ಅದನ್ನು ಸರಿ ಪಡಿಸಬೇಕು ಎಂದು ಸರ್ಕಾರಕ್ಕೆ ಮನವಿ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ.

ಯಾವ ವಾರ ಏನೇನು ಮೆನು?:

ಭಾನುವಾರ:

ಬೆಳಗ್ಗೆ : ಇಡ್ಲಿ ಚಟ್ನಿ / ಖಾರಾ ಬಾತ್‌ / ಬ್ರೆಡ್‌ – ಜಾಮ್‌

ಮಧ್ಯಾಹ್ನ : ಅನ್ನ ಸಾಂಬಾರ್‌ / ಮೊಸರಾನ್ನ / ರಾಗಿ ಮುದ್ದೆ ಸೊಪ್ಪು ಸಾರು

ರಾತ್ರಿ : ಅನ್ನ ಸಾಂಬಾರ್‌ / ರಾಗಿಮುದ್ದೆ ಸೊಪ್ಪು ಸಾರು

ಸೋಮವಾರ :

ಬೆಳಗ್ಗೆ : ಇಡ್ಲಿ ಸಾಂಬಾರ್‌ / ಪಲಾವ್‌ / ಬ್ರೆಡ್‌ – ಜಾಮ್‌

ಮಧ್ಯಾಹ್ನ: ಅನ್ನ ಸಾಂಬಾರ್‌ + ಕೀರ್‌ / ರಾಗಿಮುದ್ದೆ ಸೊಪ್ಪು ಸಾರು + ಕೀರ್‌

ರಾತ್ರಿ: ಅನ್ನ ಸಾಂಬಾರ್‌ / ರಾಗಿಮುದ್ದೆ ಸೊಪ್ಪು ಸಾರು

ಮಂಗಳವಾರ:

ಬೆಳಗ್ಗೆ: ಇಡ್ಲಿ ಚಟ್ನಿ / ಬಿಸಿ ಬೇಳೆ ಬಾತ್‌ / ಮಂಗಳೂರು ಬನ್ಸ್‌

ಮಧ್ಯಾಹ್ನ: ಅನ್ನ ಸಾಂಬಾರ್‌ + ಮೊಸರು / ಚಪಾತಿ ಸಾಗು + ಕೀರ್‌

ರಾತ್ರಿ: ಅನ್ನ ಸಾಂಬಾರ್‌ + ರೈತ / ಚಪಾತಿ + ವೆಜ್‌ ಕರಿ

ಬುಧವಾರ :

ಬೆಳಗ್ಗೆ: ಇಡ್ಲಿ ಸಾಂಬಾರ್‌ / ಖಾರಾ ಬಾತ್‌ / ಬೇಕರಿ ಬನ್‌

ಮಧ್ಯಾಹ್ನ: ಅನ್ನ ಸಾಂಬಾರ್‌ + ಕೀರ್‌ / ರಾಗಿಮುದ್ದೆ + ಸೊಪ್ಪು ಸಾರು

ರಾತ್ರಿ: ಅನ್ನ ಸಾಂಬಾರ್‌ / ರಾಗಿಮುದ್ದೆ + ಸೊಪ್ಪು ಸಾರು

ಗುರುವಾರ:

ಬೆಳಗ್ಗೆ: ಇಡ್ಲಿ ಸಾಂಬಾರ್‌ / ಪಲಾವ್‌ / ಬ್ರೆಡ್‌ – ಜಾಮ್‌

ಮಧ್ಯಾಹ್ನ: ಅನ್ನ ಸಾಂಬಾರ್‌ + ಮೊಸರು / ಚಪಾತಿ ಸಾಗು + ಕೀರ್‌

ರಾತ್ರಿ: ಅನ್ನ ಸಾಂಬಾರ್‌ + ಮೊಸರು / ಚಪಾತಿ + ವೆಜ್‌ ಕರಿ

ಶುಕ್ರವಾರ :

ಬೆಳಗ್ಗೆ: ಇಡ್ಲಿ ಸಾಂಬಾರ್‌ / ಬಿಸಿಬೇಳೆ ಬಾತ್‌ / ಮಂಗಳೂರು ಬನ್ಸ್‌

ಮಧ್ಯಾಹ್ನ: ಅನ್ನ ಸಾಂಬಾರ್‌ / ಮೊಸರಾನ್ನ / ರಾಗಿಮುದ್ದೆ ಸೊಪ್ಪು ಸಾರು

ರಾತ್ರಿ: ಅನ್ನ ಸಾಂಬಾರ್‌ / ರಾಗಿಮುದ್ದೆ ಸೊಪ್ಪು ಸಾರು

ಶನಿವಾರ:

ಬೆಳಗ್ಗೆ: ಇಡ್ಲಿ ಸಾಂಬಾರ್‌ / ಪೊಂಗಲ್‌ / ಬೇಕರಿ ಬನ್‌

ಮಧ್ಯಾಹ್ನ: ಅನ್ನ ಸಾಂಬಾರ್‌ + ಕೀರ್‌ / ಚಪಾತಿ ಸಾಗು + ಕೀರ್‌

ರಾತ್ರಿ: ಅನ್ನ ಸಾಂಬಾರ್‌ + ಮೊಸರು / ಚಪಾತಿ + ವೆಜ್‌ ಕರಿ