ಕರ್ನಾಟಕ ಗುಡಿಸಲು ಮುಕ್ತವಾಗಿಸಲು ಪಣ

Team Udayavani, Dec 23, 2019, 3:00 AM IST

ಬೀದರ: ಕರ್ನಾಟಕವನ್ನು ಗುಡಿಸಲು ಮುಕ್ತವಾಗಿಸಲು “ಗುಡಿಸಲು ಮುಕ್ತ ಪಟ್ಟಣ’ದ ಗುರಿ ಹಾಕಿಕೊಳ್ಳಲಾಗಿದೆ ಎಂದು ವಸತಿ ಸಚಿವ ವಿ.ಸೋಮಣ್ಣ ಹೇಳಿದರು. ಭಾನುವಾರ ಸುದ್ದಿಗಾರರ ಜತೆ ಮಾತನಾಡಿದ ಅವರು, ಕರ್ನಾಟಕವನ್ನು ಗುಡಿಸಲು ಮುಕ್ತವಾಗಿಸಲು “ಗುಡಿಸಲು ಮುಕ್ತ ಪಟ್ಟಣ’ದ ಗುರಿ ಹಾಕಿಕೊಳ್ಳಲಾಗಿದೆ. ಮನೆ ಕಟ್ಟಿಕೊಂಡ ಫಲಾನುಭವಿ ಗಳಿಗೆ ಹಣ ನೀಡಲು 211 ಕೋಟಿ ರೂ.ಗಳನ್ನು ಶನಿವಾರವಷ್ಟೇ ಬಿಡುಗಡೆ ಮಾಡಲಾಗಿದೆ.

59 ಸಾವಿರ ಫಲಾನುಭವಿಗಳಿಗೆ ಸೋಮವಾರವೇ ಅವರ ಖಾತೆಗೆ ಹಣ ಜಮೆ ಮಾಡಲಾ ಗುತ್ತದೆ. ಇದರಲ್ಲಿ ಅವ್ಯವಹಾರ, ಅನರ್ಹರಿಗೆ ಮನೆ ನೀಡಿದ್ದರೆ ತಡೆ ಹಿಡಿಯಲಾಗುತ್ತದೆ ಎಂದರು. ರಾಜ್ಯದಲ್ಲಿ 1.80 ಲಕ್ಷ ಮನೆ ನಿರ್ಮಿಸುವ ಗುರಿ ಹೊಂದ ಲಾಗಿದೆ. ಮಾರ್ಚ್‌ನೊಳಗೆ 43 ಸಾವಿರ ಮನೆ ನಿರ್ಮಿಸ ಲಾಗುವುದು. ರಾಜ್ಯದ ಗ್ರಾಮಾಂತರ ಪ್ರದೇಶಗಳಲ್ಲಿ ಸರ್ಕಾರದ ಜಮೀನು ಇಲ್ಲದ ಗ್ರಾಮಗಳಲ್ಲಿ ಮನೆ ಕಟ್ಟಿಕೊಡಲು ಜಮೀನು ಖರೀದಿಸಲು ಮುಂದಿನ ಮೂರುವರೆ ವರ್ಷಕ್ಕಾಗಿ 100 ಕೋಟಿ ರೂ.ಮೀಸಲಿಡಲಾಗಿದೆ ಎಂದರು.