‘ಕೋಟಿಗೊಬ್ಬ 3’ ಸಿನಿಮಾ ಪ್ರದರ್ಶನ ದಿಢೀರ್ ರದ್ದಾಗಲು ಕಾರಣ ಏನು?

Team Udayavani, Oct 14, 2021, 11:22 AM IST

ಸ್ಯಾಂಡಲ್ ವುಡ್ ಪ್ರಿಯರಿಗೆ ಇಂದು ಡಬ್ಬಲ್ ಧಮಾಕ. ಒಂದು ಕಡೆ ದಸರಾ ಹಬ್ಬದ ವಾತಾವರಣವಿದ್ದರೆ ಇನ್ನೊಂದು ಕಡೆ ದುನಿಯಾ ವಿಜಯ್ ಸಲಗಾ ಮತ್ತು ಕಿಚ್ಚಾ ಸುದೀಪ್ ನಟನೆಯ ಕೋಟಿಗೊಬ್ಬ 3 ಸಿನಿಮಾ ರಿಲೀಸ್.. ಇನ್ನೇನು ಎಲ್ಲವು ಸರಿಯಾಗಿ ಹಬ್ಬ ಜೋರು ಕಳೆಗಟ್ಟುವ ಸಮಯದಲ್ಲಿ ಕೋಟಿಗೊಬ್ಬ 3 ತಂಡ ಅಭಿಮಾನಿಗಳಿಗೆ ಶಾಕ್ ನೀಡಿದೆ.

ಹೌದು ಇಂದು (ಗುರುವಾರ 14) ಕೋಟಿಗೊಬ್ಬ 3 ಸಿನಿಮಾ ರಿಲೀಸ್ ಆಗುತ್ತದೆ ಎಂದು ಸುದೀಪ್ ಅಭಿಮಾನಿಗಳು ಕಾತುರದಿಂದ ಕಾದಿದ್ದರು. ಇಂದು ಫ್ಯಾನ್ಸ್ ಶೋ ಕೂಡ ಆಯೋಜನೆ ಮಾಡಲಾಗಿತ್ತು. ಕಾರಣಾಂತರಗಳಿಂದ ಶೋ ರದ್ದಾಗಿದೆ. ಈ ಹಿನ್ನೆಲೆಯಲ್ಲಿ ಅಭಿಮಾನಿಗಳು ರೊಚ್ಚಿಗೆದ್ದಿದ್ದು, ಚಿತ್ರಮಂದಿರ ಮಾಲೀಕರು ಮತ್ತುವಿತರಕರ ಜೊತೆ ಸಿಟ್ಟಿಗೆದ್ದಿದ್ದಾರೆ.

ಕೋವಿಡ್ ಕಾರಣಗಳಿಂದ ಎರಡು ವರ್ಷಗಳ ನಂತರ ಚಿತ್ರಮಂದಿರಗಳು ತೆರೆದಿವೆ. ಈ ಹಿನ್ನೆಲೆಯಲ್ಲಿ ಚಿತ್ರಾಭಿಮಾನಿಗಳು ಕಾದು ಕುಳಿತಿದ್ದು, ಸದ್ಯ ಮೊದಲ ದಿನದ ಶೋ ಈ ರೀತಿ ರದ್ದಾಗಿರುವುದು ಅಭಿಮಾನಿಗಳಿಗೆ ತುಂಬಾ ನೋವು ತರಿಸಿದೆ.