ಮಧುಗಿರಿ: ಸರ್ಕಾರಿ ಬಸ್​- ಸ್ಕೂಟರ್ ಢಿಕ್ಕಿ: ದಂಪತಿಗಳ ದುರ್ಮರಣ

Team Udayavani, Mar 27, 2022, 3:49 PM IST

ಮಧುಗಿರಿ: ತಾಲೂಕಿನ ಕೆರಗಳಪಾಳ್ಯ ಸಮೀಪ ಕೆಎಸ್ಆರ್​ಟಿಸಿ ಬಸ್,​ ಸ್ಕೂಟರ್ ಗೆ ಢಿಕ್ಕಿ ಹೊಡೆದ ಪರಿಣಾಮ ದಂಪತಿಗಳು ಸ್ಥಳದಲ್ಲೇ ಮೃತಪಟ್ಟಿರುವ ಘಟನೆ ಭಾನುವಾರ ನಡೆದಿದೆ.

ಮಧುಗಿರಿಯ ಗೊಂದಿಹಳ್ಳಿ ಗ್ರಾಮದ ನಿವಾಸಿಗಳಾದ ಸಾಂಬಶಿವಯ್ಯ (70), ಶಂಕರಮ್ಮ (60) ಮೃತಪಟ್ಟ ದುರ್ದೈವಿ.

ಮಧುಗಿರಿಯ ಕಡೆ ಬರುತ್ತಿದ್ದ ಕೆಎಸ್ಆರ್​ಟಿಸಿ ಬಸ್ ಓವರ್ ಟೇಕ್ ಮಾಡಲು ಹೋಗಿ ಎದುರುಗಡೆ ಬಂದ ದ್ವಿಚಕ್ರ ವಾಹನಕ್ಕೆ ಢಿಕ್ಕಿ ಹೊಡೆದಿದೆ.

ಸರಣಿ ಅಪಘಾತಗಳಿಂದ ಬೆಚ್ಚಿಬಿದ್ದಿದ್ದ ಕೆರೆಗಳ ಪಾಳ್ಯ ಗ್ರಾಮಸ್ಥರು ಈ ರಸ್ತೆಯಲ್ಲಿ ಶಾಂತಿ ಮಾಡಿಸಿದ್ದರು. ಶಾಂತಿ ಮಾಡಿಸಿದ ನಂತರ ಮೂರು ವರ್ಷಗಳ ಕಾಲ ರಸ್ತೆ ಅವಘಡಗಳಿಂದ ಶಾಂತಿಯಾಗಿದ್ದ ಕೆ-ಶಿಪ್ ರಸ್ತೆ, ಮೂರು ವರ್ಷಗಳ ಬಳಿಕ ಈ ರಸ್ತೆಯಲ್ಲಿ ಅಪಘಾತದ ಸಂಭವಿಸಿದೆ.

ಇದನ್ನೂ ಓದಿ:ಹೆಚ್ಚುತ್ತಿರುವ ಕೆವೈಸಿ ವಂಚನೆ: ಕೆವೈಸಿಗೆ ಬದ್ಧವಾಗುವುದು ಕಡ್ಡಾಯ ಮಾಡಿರುವುದು ಯಾಕೆ ?

ಮಧುಗಿರಿ ಪೊಲೀಸ್​ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಪೋಲಿಸರು ಸ್ಥಳಕ್ಕೆ ಭೇಟಿ ನೀಡಿ, ಪರಿಶೀಲನೆ ನಡೆಸಿ, ಪ್ರಕರಣ ದಾಖಲಿಸಿದ್ದಾರೆ.