ಪರೀಕ್ಷಾರ್ಥ ಹಾರಾಟದ ವೇಳೆ ಮಿರಾಜ್‌ ಪತನ: ಇಬ್ಬರು ಸಾವು 

Team Udayavani, Feb 2, 2019, 12:50 AM IST

ಬೆಂಗಳೂರು: ವಿವಾದದ ಕೇಂದ್ರ ಬಿಂದುವಾಗಿರುವ ರಫೇಲ್‌ ಯುದ್ಧ ವಿಮಾನ ಪೂರೈಸಲಿರುವ ಫ್ರಾನ್ಸ್‌ನ ಡಸಾಲ್ಟ್ ಕಂಪನಿಯ “ಮಿರಾಜ್‌ 2000,’ ಶುಕ್ರವಾರ ಬೆಳಗ್ಗೆ ಭಾರತೀಯ ವಾಯುಸೇನೆಯು ಸಾಮರ್ಥ್ಯ ಪರೀಕ್ಷಾರ್ಥ ಹಾರಾಟ ನಡೆಸಿದ ವೇಳೆ ತಾಂತ್ರಿಕ ದೋಷದಿಂದ ಪತನಗೊಂಡಿದೆ. ಘಟನೆಯಲ್ಲಿ ಇಬ್ಬರು ಪೈಲಟ್‌ಗಳು ಮೃತಪಟ್ಟಿದ್ದಾರೆ.

ಮೇಲ್ದರ್ಜೆಗೇರಿಸಿದ ಈ ಮಿರಾಜ್‌ 2000 ಯುದ್ಧ ವಿಮಾನದ ಪರೀಕ್ಷಾರ್ಥ ಹಾರಾಟ ಎಚ್‌ಎಎಲ್‌ ವಿಮಾನ ನಿಲ್ದಾಣದಲ್ಲಿ ನಡೆಯುತ್ತಿತ್ತು. ನಿಲ್ದಾಣದ ರನ್‌ ವೇ ಸಮೀಪ ಟೇಕ್‌ ಆಫ್ ಆಗುವ ಸಂದರ್ಭದಲ್ಲಿ ದುರ್ಘ‌ಟನೆ ಸಂಭವಿಸಿದ್ದು, ಸ್ಕ್ವಾಡ್ರನ್‌ ಲೀಡರ್‌ ಸಿದಾಟಛಿರ್ಥ್ ನೇಗಿ (32) ಹಾಗೂ ಸಾðಡ್ರನ್‌ ಲೀಡರ್‌ ಸಮೀರ್‌ ಅಬ್ರೋಲ್‌ ( 33) ಮೃತಪಟ್ಟಿದ್ದಾರೆ. ಉತ್ತರಾಖಂಡ್‌ನ‌ ಡೆಹ್ರಾಡೂನ್‌ ಮೂಲದ ಸಿದ್ದಾರ್ಥ್ ನೇಗಿ 2009ರಲ್ಲಿ ವಾಯುಸೇನೆಗೆ ಸೇರಿಕೊಂಡಿದ್ದು, ಉತ್ತರ ಪ್ರದೇಶದ ಗಾಜಿಯಾಬಾದ್‌ ಮೂಲದ ಸಮೀರ್‌ ಅಬ್ರೋಲ್‌ 2008ರಲ್ಲಿ ಸೇನೆ ಸೇರಿಕೊಂಡಿದ್ದರು. ಇಬ್ಬರ ಮೃತದೇಹಗಳನ್ನು ಕಮಾಂಡೋ ಆಸ್ಪತ್ರೆಯಲ್ಲಿಡಲಾಗಿದೆ. ದುರಂತಕ್ಕೆ ನಿಖರ ಕಾರಣ ಪತ್ತೆಯಾಗಿಲ್ಲ.