ಹಣ ಬಲವೋ,ಜನ ಬಲವೋ,ನೋಡಿಯೇ ಬಿಡುತ್ತೇವೆ

Team Udayavani, May 11, 2019, 12:36 PM IST

ಹುಬ್ಬಳ್ಳಿ: ಈ ಬಾರಿ ಕುಂದಗೋಳಪಚುನಾವಣೆಯಲ್ಲಿ ಹಣ ಬಲವೋ, ಜನ ಬಲವೋ , ನೋಡೆ ಬಿಡುತ್ತೇವೆ ಎಂದು ವಿಧಾನಪರಿಷತ್‌ ವಿಪಕ್ಷ ನಾಯಕ ಕೋಟಾ ಶ್ರೀನಿವಾಸ ಪೂಜಾರಿ ಅವರು ಸವಾಲು ಹಾಕಿದ್ದಾರೆ.

ಬಿಜೆಪಿ ಅಭ್ಯರ್ಥಿ ಚಿಕ್ಕನಗೌಡ್ರ ಪರ ಕುಂದಗೋಳದಲ್ಲಿ ಪ್ರಚಾರ ನಿರತರಾಗಿದ್ದ ವೇಳೆ ಸುದ್ದಿಗಾರರೊಂದಿಗೆಮಾತನಾಡಿದ ಅವರು , ಸಚಿವ ಡಿ.ಕೆ.ಶಿವಕುಮಾರ್‌ ಅವರು ಕ್ಷೇತ್ರದ ಉಸ್ತುವಾರಿ ವಹಿಸಿ ಹಣ ಹಂಚುತ್ತಿದ್ದಾರೆ. ನಾವು ನೋಡಿಯೇ ಬಿಡುತ್ತೇವೆ. ಡಿ.ಕೆ.ಶಿವಕುಮಾರ್‌ ಅವರ ಹಣ ಬಲ ಗೆಲ್ಲುತ್ತದೋ,ಚಿಕ್ಕನ ಗೌಡ್ರ ಜನ ಬಲ ಗೆಲ್ಲುತ್ತದೋ ಎಂದರು.

ಆಡಳಿತ ಪಕ್ಷದ ಶಾಸಕರಲ್ಲೇ ಈ ದರಿದ್ರ ಸರ್ಕಾರ ಹೊದರೆ ಸಾಕು ಅಂತಾ ಇದೆ. ನಾವೇನು ಆಪರೇಷನ್‌ ಕಮಲವಾಗಲಿ ಏನನ್ನೂ ಮಾಡುತ್ತಿಲ್ಲ. ಎಲ್ಲವನ್ನ ಗಮನಿಸಿದರೆ ಭಾರತೀಯ ಜನತಾ ಪಕ್ಷದ ಸರ್ಕಾರ ಅಸ್ಥಿತ್ವಕ್ಕೆ ಬರುವುದು ಖಚಿತ ಎಂದರು.