ಕೋವಿಡ್ :  ರಾಜ್ಯದಲ್ಲಿಂದು 16387 ಹೊಸ ಕೇಸ್ ಪತ್ತೆ, 21199 ಜನರು ಗುಣಮುಖ

Team Udayavani, Jun 2, 2021, 10:02 PM IST

ಬೆಂಗಳೂರು : ರಾಜ್ಯದಲ್ಲಿ ಕೋವಿಡ್ ಹೊಸ ಪ್ರಕರಣಗಳ ಸಂಖ್ಯೆ ಇಳಿಮುಖವಾಗಿದೆ. ಕಳೆದ 24 ಗಂಟೆಗಳ ಅವಧಿಯಲ್ಲಿ 16387 ಹೊಸ ಕೇಸ್ ಪತ್ತೆಯಾಗಿವೆ.

ಇಂದು ( ಜೂನ್ 2) ಸಂಜೆ ಕರ್ನಾಟಕದ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಬಿಡುಗಡೆ ಮಾಡಿರುವ ವರದಿಗಳ ಪ್ರಕಾರ ಕಳೆದ 24 ಗಂಟೆಗಳ ( ದಿನಾಂಕ: 01.06.2021, 00:00 ರಿಂದ 23:59 ರವರಗೆ ) ಅವಧಿಯಲ್ಲಿ 16387 ಜನರಲ್ಲಿ ಕೋವಿಡ್ ಪಾಸಿಟಿವ್ ಸೋಂಕು ದೃಢಪಟ್ಟಿದೆ. ಹಾಗೂ 463 ಜನರು ಸಾವನ್ನಪ್ಪಿದ್ದಾರೆ.

ಗುಣಮುಖರಾದವರ ಸಂಖ್ಯೆ :

ಇನ್ನು ಕಳೆದ 24 ಗಂಟೆಗಳ ಅವಧಿಯಲ್ಲಿ 21199 ಜನರು ಕೋವಿಡ್ ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಈ ಮೂಲಕ ರಾಜ್ಯದಲ್ಲಿ ಇದುವರೆಗೆ 2312060 ಜನರು ಸಂಪೂರ್ಣ ಗುಣಮುಖರಾಗಿದ್ದಾರೆ.

ಜಿಲ್ಲಾವಾರು ಪ್ರಕರಣಗಳ ಸಂಖ್ಯೆ :

ಬಾಗಲಕೋಟೆ-262, ಬಳ್ಳಾರಿ-525, ಬೆಳಗಾವಿ-1006, ಬೆಂಗಳೂರು ಗ್ರಾಮಾಂತರ-164, ಬೆಂಗಳೂರು ನಗರ-4095, ಬೀದರ್-23, ಚಾಮರಾಜನಗರ-258, ಚಿಕ್ಕಬಳ್ಳಾಪುರ-360, ಚಿಕ್ಕಮಗಳೂರು-214, ಚಿತ್ರದುರ್ಗ-483, ದಕ್ಷಿಣ ಕನ್ನಡ-618, ದಾವಣಗೆರೆ-535, ಧಾರವಾಡ-245, ಗದಗ-285, ಹಾಸನ-520, ಹಾವೇರಿ-79, ಕಲಬುರಗಿ-117, ಕೊಡಗು-298, ಕೋಲಾರ-389, ಕೊಪ್ಪಳ-295, ಮಂಡ್ಯ-711, ಮೈಸೂರು-1687, ರಾಯಚೂರು-249, ರಾಮನಗರ-165, ಶಿವಮೊಗ್ಗ-548, ತುಮಕೂರು-882, ಉಡುಪಿ-636, ಉತ್ತರ ಕನ್ನಡ-456, ವಿಜಯಪುರ-166, ಯಾದಗಿರಿ-116.