ಕೋಲ್ಡ್‌ ವಾರೂ ಇಲ್ಲ ಹಾಟೂ ಇಲ್ಲ:ಪರಮೇಶ್ವರ್‌ ಹೇಳಿದ್ದೇನು? 

Team Udayavani, Sep 3, 2017, 12:34 PM IST

ಬೆಂಗಳೂರು : ಸಚಿವ ಸಂಪುಟ ವಿಸ್ತರಣೆ ಬಳಿಕ ಭಿನ್ನಮತ ಕಾಣಿಸಿಕೊಂಡಿದೆ ಎಂದು ವ್ಯಾಪಕವಾಗಿ ವರದಿ,ಚರ್ಚೆಯ ಬಳಿಕ ಕೆಪಿಪಿಸಿ ಅಧ್ಯಕ್ಷ  ಡಾ.ಜಿ.ಪರಮೇಶ್ವರ್‌ ಅವರು ಸ್ಪಷ್ಟನೆ ನೀಡಿದ್ದು, ಸಂಪುಟ ವಿಸ್ತರಣೆಯ ದಿನ ನಾನು ಜ್ವರ ಇದ್ದ ಕಾರಣ ಗೈರಾಗಿದ್ದೆ ಎಂದು ಸ್ಪಷ್ಟನೆ ನೀಡಿದ್ದಾರೆ. 

ಕೆಪಿಸಿಸಿ ಕಚೇರಿಯಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಪರಮೇಶ್ವರ್‌ ‘ನನ್ನ ಮತ್ತು ಸಿದ್ದರಾಮಯ್ಯ ಅವರ ನಡುವೆ ಯಾವುದೇ ಭಿನ್ನಾಭಿಪ್ರಾಯ ಇಲ್ಲ. ನಮ್ಮಿ ಬ್ಬರ ನಡುವೆ ಕೋಲ್ಡ್‌ ವಾರೂ ಇಲ್ಲ ಹಾಟೂ ಇಲ್ಲ. ಇದು ವಿರೋಧ ಪಕ್ಷದವರು ಹಬ್‌ಬಿಸಿದ ಗುಮಾನಿ. ಇದೆಲ್ಲಾ ಸತ್ಯಕ್ಕೆ ದೂರವಾದ ಸಂಗತಿ’ ಎಂದರು. 

‘ಕಳೆದ 6 ವರ್ಷಗಳಿಂದ ನಾವಿಬ್ಬರೂ ಜೊತೆಯಾಗಿ ಕೆಲಸ ಮಾಡಿದ್ದೇವೆ.ಗೃಹ ಸಚಿವನಾಗಿಯೂ ಕೆಲಸ ಮಾಡಿದ್ದೇನೆ , ಆ ಸಂದರ್ಭದಲ್ಲೂ ಭಿನ್ನಾಭಿಪ್ರಾಯ ಇರಲಿಲ್ಲ’ ಎಂದರು.

‘ಸಂಪುಟ ವಿಸ್ತರಣೆಗೆ ನಾನು ಮತ್ತು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಬೇರೆ ಬೇರೆ ಹೆಸರು ಸೂಚಿಸಿದ್ದೆವು. ಆದರೆ ಕೊನೆಗೆ ಒಟ್ಟಿಗೆ ಕುಳಿತು ನಿರ್ಧಾರ ಮಾಡಿದ್ದೇವೆ’ ಎಂದರು.