ಇನ್ನು ಮುಂದೆ ಸಕಾಲ ಪರಿಹಾರ ಆನ್‌ಲೈನ್‌ನಲ್ಲಿ

Team Udayavani, Apr 1, 2022, 10:45 PM IST

ಬೆಂಗಳೂರು: “ಸಕಾಲ’ ಸೇವೆ ನಿಗದಿತ ಸಮಯದಲ್ಲಿ ಸಿಗದೆ ವಿಳಂಬವಾಗಿದ್ದರೆ, ನಾಗರಿಕರು ಇನ್ನು ಮುಂದೆ ಸಕಾಲ ವೆಬ್‌ಸೈಟ್‌ ಮೂಲಕವೇ ಪರಿಹಾರಕ್ಕಾಗಿ ಅರ್ಜಿ ಸಲ್ಲಿಸಬಹುದಾಗಿದೆ.

“ಸಕಾಲ’ ಸೇವೆಗೆ ಹತ್ತು ವರ್ಷದ ಸಂಭ್ರಮ. ನಾಳೆಗೆ (ಎ. 2) ಸಕಾಲ ಸೇವೆಗೆ 10 ವರ್ಷ ತುಂಬುತ್ತಿದ್ದು, ಈ ಹಿನ್ನೆಲೆಯಲ್ಲಿ ವೆಬ್‌ಸೈಟ್‌ ಅನ್ನು ತಾಂತ್ರಿಕವಾಗಿ ನವೀಕರಣ ಮಾಡಲಾಗುತ್ತಿದೆ. ನಾಗರಿಕರಿಗೆ ಆನ್‌ಲೈನ್‌ ಮೂಲಕವೇ ಪರಿಹಾರ ಸಿಗುವಂತೆ ಮಾಡಲಾಗುತ್ತಿದೆ.

ನವೀಕೃತ ವೆಬ್‌ಸೈಟ್‌ಗೆ ಚಾಲನೆ
ಸಕಾಲ ಸೇವೆಗೆ 10 ವರ್ಷ ತುಂಬಿದ ಸಂದರ್ಭದಲ್ಲಿ ಸಕಾಲ ವೆಬ್‌ಸೈಟ್‌ ಅನ್ನು ನವೀಕರಣ ಮಾಡಲಾಗುತ್ತಿದೆ.

ಈ ನವೀಕೃತ ವೆಬ್‌ಸೈಟ್‌ಗೆ ಸಕಾಲ ಸಚಿವ ಬಿ.ಸಿ. ನಾಗೇಶ್‌ ಎ. 4ರಂದು ಬೆಳಗ್ಗೆ 11 ಗಂಟೆಗೆ ವಿಧಾನಸೌಧದಲ್ಲಿ ಚಾಲನೆ ನೀಡಲಿದ್ದಾರೆ.