ಬಾಲಕಿ ಮೇಲೆ ಅತ್ಯಾಚಾರ; ದೂರು

Team Udayavani, Jan 26, 2020, 3:01 AM IST

ಸಿಂಧನೂರು: ತಾಲೂಕಿನ ಸಿದ್ರಾಂಪುರ ಹತ್ತಿರ ಬಾಲಕಿ ಮೇಲೆ ಅತ್ಯಾಚಾರ ಎಸಗಿದ ಘಟನೆ ಶುಕ್ರವಾರ ಮಧ್ಯರಾತ್ರಿ ಜರುಗಿದ್ದು, ಈ ಕುರಿತು ಪಾಲಕರು ಗ್ರಾಮೀಣ ಠಾಣೆಯಲ್ಲಿ ದೂರು ನೀಡಿದ್ದಾರೆ. ಜ.24ರಂದು ರಾತ್ರಿ ಬಾಲಕಿಯ ತಂದೆ ಹಂಚಿನಾಳ ಕ್ಯಾಂಪ್‌ನಿಂದ ಸಿದ್ರಾಂಪುರ ಗ್ರಾಮಕ್ಕೆ ಹೋಗುವ ಸಂದರ್ಭ ರಸ್ತೆ ಮಧ್ಯೆ ಬಂದ ಬೈಕ್‌ ಸವಾರ ತಂದೆ-ಮಗಳಿಗೆ ಡ್ರಾಪ್‌ ಕೊಡುವುದಾಗಿ ಕೂರಿಸಿಕೊಂಡ.

ಸ್ವಲ್ಪ ದೂರ ಹೋಗಿ ಬಾಲಕಿಯ ತಂದೆಗೆ ಮದ್ಯ ಕುಡಿಸಿ ನಂತರ ಆತನನ್ನು ರಸ್ತೆ ಮಧ್ಯೆ ಬಿಟ್ಟು ಬಾಲಕಿಯನ್ನು ಕರೆದುಕೊಂಡು ಹೋಗಿ ಅತ್ಯಾಚಾರ ಎಸಗಿ ಪರಾರಿಯಾಗಿದ್ದಾನೆ. ಈ ಕುರಿತು ಪೋಷಕರು ದೂರು ನೀಡಿದ್ದಾರೆ ಎಂದು ಸಿಪಿಐ ಬಾಲಚಂದ್ರ ಲಕ್ಕಂ ತಿಳಿಸಿದ್ದಾರೆ.