ತೀರ್ಪು ತಿದ್ದಿದ ಪ್ರಕರಣ: ಡಾ| ಸಿದ್ಧಲಿಂಗ ಸ್ವಾಮೀಜಿಗೆ ಸುಪ್ರೀಂ ನೋಟಿಸ್‌ ಜಾರಿ

Team Udayavani, May 13, 2024, 12:56 AM IST

ಹುಮನಾಬಾದ್‌: ಭೂ ವಿವಾದಕ್ಕೆ ಸಂಬಂಧಿ ಸಿ ಫೋರ್ಜರಿ ಆರೋಪದಡಿ ತಾಲೂಕಿನ ಬಸವತೀರ್ಥ ಮಠದ ಡಾ| ಸಿದ್ಧಲಿಂಗ ಸ್ವಾಮಿಗಳ ವಿರುದ್ಧ ಜಿಲ್ಲಾ ಧಿಕಾರಿ ಗೋವಿಂದ ರೆಡ್ಡಿ ಆದೇಶದಂತೆ ಕೆಲವು ತಿಂಗಳ ಹಿಂದೆ ಹುಮನಾಬಾದ್‌ ಠಾಣೆಯಲ್ಲಿ ದಾಖಲಾಗಿದ್ದ ಕ್ರಿಮಿನಲ್‌ ಪ್ರಕರಣ ಈಗ ಸುಪ್ರೀಂಕೋರ್ಟ್‌ ಮೆಟ್ಟಿಲೇರಿದ್ದು, ಸ್ವಾಮೀಜಿಗೆ ನ್ಯಾಯಾಲಯ ನೋಟಿಸ್‌ ಜಾರಿ ಮಾಡಿದೆ.

ಅಫೀಲುದಾರ ಚಂದ್ರಕಾಂತ ಶಾಮರಾವ್‌ ಬಿರಾದರ್‌ ಹಾಗೂ ಮಠದ ಡಾ| ಸಿದ್ಧಲಿಂಗ ಸ್ವಾಮಿ ಮಧ್ಯೆ ಅನೇಕ ವರ್ಷಗಳಿಂದ ಭೂಮಿ ವಿವಾದ ನಡೆದಿತ್ತು. ಈ ಕುರಿತು ನ್ಯಾಯಾಲಯದಲ್ಲಿ ಹೋರಾಟ ನಡೆಸಿದ ಚಂದ್ರಕಾಂತ ಬಿರಾದರ್‌ 17-11-2017ರ ಕರ್ನಾಟಕ ಮೇಲ್ಮನವಿ ನ್ಯಾಯಾಧಿ ಕರಣದ (ಕೆಎಟಿ) ಅ ಧಿಕೃತ ತೀರ್ಪನ್ನು ಡಾ| ಸಿದ್ಧಲಿಂಗ ಸ್ವಾಮೀಜಿ ಫೋರ್ಜರಿ ಮಾಡಿ ಅಧಿಕೃತ ತೀರ್ಪಿನಲ್ಲಿ ಇಲ್ಲದಿರುವ ಖಂಡಿಕೆಯನ್ನು ಸೇರ್ಪಡೆಯಾಗಿರುವ ಫೋರ್ಜರಿ ದಾಖಲೆಗಳು ಸಲ್ಲಿಸಿರುವ ಬಗ್ಗೆ ನ್ಯಾಯಾಲಯದ ಗಮನ ಸೆಳೆದಿದ್ದರು.