ಪ್ರತ್ಯೇಕ ಪ್ರಕರಣ: ನಾಲ್ವರು ನೀರು ಪಾಲು

Team Udayavani, Jul 1, 2019, 3:00 AM IST

ಕಾರವಾರ/ಶ್ರೀರಂಗಪಟ್ಟಣ: ಪ್ರತ್ಯೇಕ ಪ್ರಕರಣದಲ್ಲಿ ಈಜಲು ಹೋಗಿದ್ದ ನಾಲ್ವರು ನೀರು ಪಾಲಾಗಿದ್ದಾರೆ. ಸಂಬಂಧಿಕರ ಮದುವೆಗೆಂದು ಬಂದಿದ್ದ ಧಾರವಾಡ ನಿವಾಸಿಗಳಾದ ನವೀದ್‌ ಜಾವೇದ್‌ ಖಾಜಿ (17) ಮತ್ತು ನಯೀಮ್‌ ಹನಿಫ್‌ ಹೆಬ್ಬಳ್ಳಿ (21) ಎಂಬುವರು ಕಾರವಾರ ಸಮುದ್ರದಲ್ಲಿ ಈಜಲು ಹೋಗಿ ತೆರೆಗಳ ರಭಸಕ್ಕೆ ಸಿಲುಕಿ ಮೃತಪಟ್ಟಿದ್ದಾರೆ.

ಈ ಪೈಕಿ ನವೀದ್‌ ಮೃತದೇಹ ದೊರೆತಿದೆ. ಪೊಲೀಸರು, ಕರಾವಳಿ ಕಾವಲು ಪಡೆಯ ಸಹಾಯ ಪಡೆದು ನಯೀಮ್‌ ಮೃತದೇಹಕ್ಕೆ ಹುಡುಕಾಟ ನಡೆಸಿದ್ದಾರೆ. ಇನ್ನು, ಮಂಡ್ಯ ಜಿಲ್ಲೆ ಶ್ರೀರಂಗಪಟ್ಟಣದ ಪ್ರವಾಸಿ ತಾಣ ಎಡಮುರಿಯ ಕಾವೇರಿ ನದಿಯಲ್ಲಿ ಮುಳುಗಿ ಬನ್ನೂರಿನ ಪ್ರತಿಮಾ (23) ಹಾಗೂ ಮಳ್ಳವಳಿಯ ದಿವ್ಯಾ(22) ಸಾವನ್ನಪ್ಪಿದ್ದಾರೆ.

ಇವರು ಮೈಸೂರಿನ ಹೆಬ್ಟಾಳು ಇಂಡಸ್ಟ್ರಿಯಲ್‌ ವಿಭಾಗದಲ್ಲಿರುವ ಎಸ್‌ಎಸ್‌ ಟೆಕ್ನಾಲಜಿ ಅಂಡ್‌ಎಲೆಕಾನಿಕ್ಸ್‌ ಖಾಸಗಿ ಕಂಪನಿಯಲ್ಲಿ ಉದ್ಯೋಗಿಗಳು. ಭಾನುವಾರ ರಜೆ ಹಿನ್ನೆಲೆಯಲ್ಲಿ ಕಂಪನಿಯ ಸಹೋದ್ಯೋಗಿಗಳು ಒಂದೇ ಬಸ್ಸಿನಲ್ಲಿ ಎಡಮುರಿಗೆ ಆಗಮಿಸಿದ್ದರು. ಊಟದ ನಂತರ ನೀರಿನಲ್ಲಿ ಆಟವಾಡುವ ವೇಳೆ ಕಾಲು ಜಾರಿ ನೀರು ಪಾಲಾಗಿದ್ದಾರೆ.