ಸಿದ್ಧಗಂಗಾ ಶ್ರೀಗಳಿಗೆ 3 ನೇ ಬಾರಿ ಯಶಸ್ವಿ ಸ್ಟಂಟ್‌ ಅಳವಡಿಕೆ

Team Udayavani, Sep 21, 2017, 11:28 AM IST

ತುಮಕೂರು : ಸಿದ್ಧಗಂಗಾ ಮಠದ ಶ್ರೀಗಳಾದ ಶತಾಯುಷಿ ಡಾ.ಶಿಮಕುಮಾರ ಸ್ವಾಮೀಜಿಗಳ ಆರೋಗ್ಯದಲ್ಲಿ ಸ್ಪಲ್ಪ ಏರುಪೇರು ಕಾಣಿಸಿದ್ದು ಅವರನ್ನು ಗುರುವಾರ ಬೆಂಗಳೂರಿನ ಬಿಜಿಎಸ್‌ ಆಸ್ಪತ್ರೆಗೆ ದಾಖಲಿಸಲಾಗಿದೆ. 

ಯಾರೂ ಆತಂಕ ಪಡುವ ಅಗತ್ಯವಿಲ್ಲ, ಅವರ ಆರೋಗ್ಯ ಸ್ಥಿರವಾಗಿದ್ದು, ಹೆಚ್ಚಿನ ಚಿಕಿತ್ಸೆಗಾಗಿ ಬೆಂಗಳೂರಿಗೆ ಕರೆದೊಯ್ಯಲಾಗಿದೆ ಎಂದು ಮಠದ ಮೂಲಗಳು ತಿಳಿಸಿವೆ.

ಕಫ‌, ಜ್ವರ ಮತ್ತು ಗಂಟು ನೋವಿನಿಂದ ಬಳಲುತ್ತಿದ್ದ ಶ್ರೀಗಳಿಗೆ ಮಠದಲ್ಲೇ ಡಾ.ಪರಮೇಶ್‌ ನೇತೃತ್ವದ ವೈದ್ಯರ ತಂಡ  ಚಿಕಿತ್ಸೆ ನೀಡಿತ್ತು. 

ಶ್ರೀಗಳು ಗುರುವಾರ ಪೂಜೆ ಮಾಡಿ ಪ್ರಸಾದ ಸ್ವೀಕರಿದ್ದು, ಆ ಬಳಿಕ ಅವರನ್ನು ಮಠದ ಕಾರಿನಲ್ಲಿ ಬಿಜಿಎಸ್‌ ಆಸ್ಪತ್ರೆಗೆ ಕರೆತರಲಾಗಿದೆ. 8 ಮಂದಿ ತಜ್ಞ ವೈದ್ಯರು ವಿಶೇಷ ಮುತುವರ್ಜಿ ವಹಿಸಿ ಅವರಿಗೆ ಚಿಕಿತ್ಸೆ ನೀಡುತ್ತಿದ್ದಾರೆ. ಆಸ್ಪತ್ರೆ ಬಳಿ ಬಿಗಿ ಭದ್ರತೆ ಕೈಗೊಳ್ಳಲಾಗಿದೆ. 

ಸವಾಲೆಂಬಂತೆ ಶ್ರೀಗಳಿಗೆ  3 ನೇ ಬಾರಿ ಯಶಸ್ವಿ  ಶಸ್ತ್ರ ಚಿಕಿತ್ಸೆ ನಡೆಸಿ ಸ್ಟಂಟ್‌ ಅಳವಡಿಕೆ ಮಾಡಲಾಗಿದೆ ಎಂದು ವರದಿಯಾಗಿದೆ.