ಆರೋಗ್ಯ ಸರಿಯಿಲ್ಲದೆ ಶಾಂತಿವನಕ್ಕೆ ಬಂದಿದ್ದಲ್ಲ: ಸಿದ್ದರಾಮಯ್ಯ 

Team Udayavani, Jun 28, 2018, 3:16 PM IST

ಬೆಳ್ತಂಗಡಿ: ಧರ್ಮಸ್ಥಳದ ಶಾಂತಿವನದ  ಪ್ರಕೃತಿ ಚಿಕಿತ್ಸಾ ಕೇಂದ್ರದಲ್ಲಿ ದಾಖಲಾಗಿದ್ದ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು  ಗುರುವಾರ ಡಿಸಾcರ್ಜ್‌ ಆಗಿದ್ದು , ಬಳಿಕ ಶ್ರೀ ಮಂಜುನಾಥೇಶ್ವರನ ಸನ್ನಿಧಾನಕ್ಕೆ ತೆರಳಿ ವಿಶೇಷ ಪೂಜೆ ಸಲ್ಲಿಸಿದರು. 

ದೇವಾಲಯದಿಂದ ಹೊರಬಂದ ಬಳಿಕ ಸುದ್ದಿಗಾರರೊಂದಿಗೆ  ಮಾತನಾಡಿ ನಾನು ಆರೋಗ್ಯ ಸರಿಯಿಲ್ಲದೆ ಚಿಕಿತ್ಸಾಲಕ್ಕೆ ಬಂದಿಲ್ಲ. ಆರೋಗ್ಯ ಚೆನ್ನಾಗೆ ಇತ್ತು. ಸಧೃಡಗೊಳಿಸುವ ಸಲುವಾಗಿ ಬಂದಿದ್ದೆ.ಪ್ರಕೃತಿ ಚಿಕಿತ್ಸಾಲಯದಲ್ಲಿ ವೈದ್ಯರು, ಸಿಬಂದಿಗಳು ಎಲ್ಲರೂ ಚೆನ್ನಾಗೇ ನೋಡಿಕೊಂಡರು ಎಂದರು. 

ಇದೇ ವೇಳೆ ರಾಜಕೀಯದ ಕುರಿತು ಇಲ್ಲಿ ಮಾತನಾಡುವುದಿಲ್ಲ ಎಂದರು. 

ನೀವು ಚೆನ್ನಾಗಿದ್ದರೆ ನಾನೂ ಚೆನ್ನಾಗಿರ್ತೇನೆ 

ತನ್ನನ್ನು ಕಾಣಲು ಬಂದ ಅಭಿಮಾನಿಗಳನ್ನುದ್ದೇಶಿಸಿ ನೀವು ಚೆನ್ನಾಗಿದ್ದರೆ ನಾನೂ ಚೆನ್ನಾಗಿ ಇರ್ತೇನೆ ಎಂದರು. 

ದೇವಾಲಯದಿಂದ ಮಂಗಳೂರಿಗೆ ತೆರಳಿ ಸಂಜೆ ಬೆಂಗಳೂರು ತಲುಪಲಿದ್ದಾರೆ.