ಇಂದು ಸಿಂದಗಿ-ಹಾನಗಲ್ ಉಪಚುನಾವಣೆ ಫಲಿತಾಂಶ : ಇಲ್ಲಿದೆ 2 ಕ್ಷೇತ್ರಗಳ ಮತದಾನದ ಲೆಕ್ಕ

Team Udayavani, Nov 2, 2021, 7:57 AM IST

ಬೆಂಗಳೂರು :  ಜಿದ್ದಾಜಿದ್ದಿಗೆ ಸಾಕ್ಷಿಯಾಗರುವ ಹಾನಗಲ್​ ಹಾಗೂ ಸಿಂದಗಿ ಉಪ ಚುನಾವಣೆ ಫಲಿತಾಂಶ ಇಂದು ಹೊರ ಬೀಳಲಿದೆ. ಮೂರು ಪಕ್ಷಗಳ ಸರ್ಕಸ್ ನೋಡಿದ್ದ ಮತದಾರರು ಯಾರಿಗೆ ಜೈ ಎಂದಿದ್ದಾರೆ ಎಂಬುದು ಇಂದು ಗೊತ್ತಾಗಲಿದೆ.

ಇನ್ನು ಸಿಂದಗಿ ಹಾಗೂ ಹಾನಗಲ್​ ವಿಧಾನಸಭಾ ಕ್ಷೇತ್ರಗಳಿಗೆ ಅಕ್ಟೋಬರ್​ 29ರಂದು ಚುನಾವಣೆ ನಡೆದಿತ್ತು. ಇಂದು ಮತಎಣಿಕೆ ನಡೆಯುತ್ತಿದ್ದು, ಘಟಾನುಘಟಿ ನಾಯಕರ ಜೊತೆ ಅಭ್ಯರ್ಥಿಗಳಿಗೂ ಢವಢವ ಶುರುವಾಗಿದೆ.

ಹಾನಗಲ್ ಉಪಚುನಾವಣೆಯು ಮಾಜಿ ಸಚಿವ ಸಿಎಂ ಉದಾಸಿ ಅಕಾಲಿಕ ನಿಧನವಾಧ ಕಾರಣ ನಡೆದಿತ್ತು. ಮತ್ತೊಂದು ವಿಶೇಷ ಅಂದ್ರೆ ಸಿಎಂ ಬೊಮ್ಮಾಯಿ ತವರು ಜಿಲ್ಲೆಯಲ್ಲಿ ಈ ಬೈಎಲೆಕ್ಷನ್ ನಡೆದಿರೋದು. ಹಾಗೂ ಬಿಜೆಪಿಯಿಂದ ಶಿವರಾಜ್ ಸಜ್ಜನರ್, ಕಾಂಗ್ರೆಸ್​ನಿಂದ ಶ್ರೀನಿವಾಸ್ ಮಾನೆ ಹಾಗೂ ಜೆಡಿಎಸ್​ನಿಂದ ನಿಯಾಜ್ ಶೇಕ್ ಸೇರಿದಂತೆ ಒಟ್ಟು 19 ಅಭ್ಯರ್ಥಿಗಳಿದ್ದಾರೆ.

ಹಾನಗಲ್ ​ನಲ್ಲಿ ಮತದಾನದ ಲೆಕ್ಕ

• ಕ್ಷೇತ್ರದಲ್ಲಿನ ಒಟ್ಟು ಮತದಾರರು – 2,04,481
• ಒಟ್ಟು ಮತದಾನದ ಸಂಖ್ಯೆ -1,71,264
• ಮತದಾನದ ಶೇಕಡ ಪ್ರಮಾಣ- 83.76%

ಮತ್ತೊಂದೆಡೆ ಸಿಂದಗಿಯಲ್ಲಿ ಮಾಜಿ ಸಚಿವ ಎಂ.ಸಿ.ಮನಗೂಳಿ ನಿಧನದ ಕಾರಣ ಕ್ಷೇತ್ರ ತೆರವಾಗಿತ್ತು. ಈ ಹಿನ್ನೆಲೆಯಲ್ಲಿ ಉಪಚುನಾವಣೆ ನಡೆದಿದೆ. ಸಿಂದಗಿ ಅಖಾಡದಲ್ಲಿ ಕಾಂಗ್ರೆಸ್​ನಿಂದ ಮನಗೂಳಿ ಪುತ್ರ ಅಶೋಕ್ ಮನಗೂಳಿ ಸ್ಪರ್ಧೆ ನಡೆಸಿದ್ದಾರೆ. ಬಿಜೆಪಿಯಿಂದ ರಮೇಶ್ ಭೂಸನೂರ್ ಹಾಗೂ ಜೆಡಿಎಸ್​​ನಿಂದ ನಾಜಿಯಾ ಶಕೀಲಾ ಅಂಗಡಿ ಸೇರಿದಂತೆ ಒಟ್ಟು 6 ಅಭ್ಯರ್ಥಿಗಳು ಅದೃಷ್ಟ ಪರೀಕ್ಷೆಗಿಳಿದಿದ್ದಾರೆ.

ಸಿಂದಗಿಯಲ್ಲಿ ಮತದಾನದ ಲೆಕ್ಕ

ಕ್ಷೇತ್ರದಲ್ಲಿನ ಒಟ್ಟು ಮತದಾರರು – 2,34,437
ಪುರುಷ ಮತದಾರರ ಸಂಖ್ಯೆ – 1,20,939
ಒಟ್ಟು ಮತದಾನದ ಸಂಖ್ಯೆ -1,62,852
ಮತದಾನದ ಶೇಕಡ ಪ್ರಮಾಣ- 69.47 %

ಇದಿಷ್ಟು ಎರಡು ಉಪ ಚುನಾವಣಾ ಕ್ಷೇತ್ರದ ಮಾಹಿತಿ. ಯಾರು ಏನೇ ಲೆಕ್ಕ ಹಾಕಿದ್ರೂ ಕೂಡ ಮತದಾರ ಪ್ರಭು ಯಾರಿಗೆ ಜೈ ಎಂದಿದ್ದಾನೆ ಎಂಬುದು ಇಂದು ತಿಳಿಯಲಿದೆ.