ಅಪಘಾತ: ರಾಷ್ಟ್ರೀಯ ಆರು ಮಹಿಳಾ ಸೈಕ್ಲಿಸ್ಟ್‌ಗಳಿಗೆ ಗಾಯ

Team Udayavani, Feb 11, 2020, 3:02 AM IST

ವಿಜಯಪುರ: ಅಂತರ ವಿವಿಗಳ ರಾಷ್ಟ್ರೀಯ ಮಹಿಳಾ ಸೈಕ್ಲಿಂಗ್‌ ಕ್ರೀಡಾಕೂಟದ ಮೂರನೇ ದಿನವಾದ ಸೋಮವಾರ ಸ್ಪರ್ಧೆಯಲ್ಲಿ ಸೈಕ್ಲಿಸ್ಟ್‌ ಸೈಕಲ್‌ ಅಪಘಾತ ಸಂಭವಿಸಿ 6 ಜನ ಕ್ರೀಡಾಪಟುಗಳು ಗಾಯಗೊಂಡಿದ್ದಾರೆ. ರಾಜಸ್ಥಾನ ಬಿಕಾನೇರ ಮಹಾರಾಜಾ ಗಂಜ್‌ ವಿವಿ ಮುಸ್ಕಾನ್‌ ಹಾಗೂ ಕವಿತಾ, ಬೆಳಗಾವಿ ರಾಣಿ ಚನ್ನಮ್ಮ ವಿವಿಯ ದಾನೇಶ್ವರಿ ಪಾಯಣ್ಣವರ, ಪಂಜಾಬಿನ ಪಟಿಯಾಲ ವಿವಿಯ ಜಾಸ್ಮಿ

ನ್‌ ಮತ್ತು ಅಮೃತಸರನ ಗುರುನಾನಕ ದೇವ ವಿವಿಯ ಮುಕುಲಾ, ಹರಿಯಾಣದ ಕುರುಕ್ಷೇತ್ರ ವಿವಿಯ ನಮೃತಾ ಗಾಯಾಳುಗಳು.

ಹಿಟ್ನಳ್ಳಿ ಬಳಿಯ ರಾಷ್ಟ್ರೀಯ ಹೆದ್ದಾರಿ ಟೋಲ್‌ ನಾಕಾ ಬಳಿ ಮಾಸ್‌ ಸ್ಟಾಟ್‌ 50 ಕಿ.ಮೀ. ಸೈಕ್ಲಿಂಗ್‌ನಲ್ಲಿ ಸ್ಪರ್ಧೆಯ ಹಂತದಲ್ಲಿ ಕ್ರೀಡಾಪಟುಗಳು ವೇಗವಾಗಿ ಹೋಗುತ್ತಿದ್ದಾಗ, ಓರ್ವ ಸ್ಪರ್ಧಿ ಸೈಕಲ್‌ ಇನ್ನೋರ್ವ ಸ್ಪರ್ಧಿಯ ಸೈಕಲ್‌ಗೆ ತಾಗಿ, ನಿಯಂತ್ರಣ ತಪ್ಪಿ ಕೆಳಗೆ ಬಿದ್ದಿದ್ದಾರೆ.

ನಂತರ ಬಂದ ಸ್ಪರ್ಧಾಳುಗಳು ಡಿಕ್ಕಿ ಹೊಡೆದು ಅಪಘಾತ ಸಂಭವಿಸಿತು. ಗಾಯಗೊಂಡ 6 ಸೈಕ್ಲಿಸ್ಟ್‌ಗಳನ್ನು ಆಂಬ್ಯುಲೆನ್ಸ್‌ ಮೂಲಕ ಆಸ್ಪತ್ರೆಗೆ ರವಾನಿಸಿ, ಚಿಕಿತ್ಸೆ ನೀಡಲಾಗಿದೆ.