ಸಾಮಾನ್ಯ ಪದವಿ ತರಗತಿಯಲ್ಲೂ ಕೌಶಲ ತರಬೇತಿ: ಡಾ| ಸುಧಾಕರ್‌

Team Udayavani, Feb 23, 2024, 11:49 PM IST

ಬೆಂಗಳೂರು: ಸಾಮಾನ್ಯ ಪದವಿ ಶಿಕ್ಷಣ ಪಡೆಯುವ ವಿದ್ಯಾರ್ಥಿಗಳಿಗೂ ಕೌಶಲವನ್ನು ಸೃಷ್ಟಿಸುವ ಸಂಬಂಧ ಸೆಂಟರ್‌ ಫಾರ್‌ ರಿಸರ್ಚ್‌ ಇನ್‌ ಸ್ಕಿಮ್ಸ್‌ ಆ್ಯಂಡ್‌ ಪಾಲಿಸಿಸ್‌ (ಕ್ರಿಸ್‌³) ಜತೆ ಮಾತುಕತೆ ನಡೆಯುತ್ತಿದ್ದು, ಒಪ್ಪಂದ ರೂಪಿಸುವ ಪ್ರಯತ್ನ ನಡೆಸಲಾಗುತ್ತಿದೆ ಎಂದು ಉನ್ನತ ಶಿಕ್ಷಣ ಸಚಿವ ಡಾ| ಎಂ. ಸಿ. ಸುಧಾಕರ್‌ ಹೇಳಿದ್ದಾರೆ.

ಉನ್ನತ ಶಿಕ್ಷಣ ಪರಿಷತ್‌ನಲ್ಲಿ ಸುದ್ದಿಗೋಷ್ಠಿ ಉದ್ದೇಶಿಸಿ ಮಾತನಾಡಿದ ಅವರು, ಬಿಎ, ಬಿಎಸ್‌ಸಿ, ಬಿಕಾಂ ವಿದ್ಯಾರ್ಥಿ ಗಳಿಗೂ ಶಿಕ್ಷಣ ಪಡೆಯುವ ಸಂದರ್ಭದಲ್ಲೇ ತರಬೇತಿ ಮತ್ತು ಅಪ್ರಂಟಿಸ್‌ ಕೊಡಲು ಯತ್ನಿಸಲಾಗುವುದು ಎಂದರು.

ಕ್ರಿಸ್‌³ನಲ್ಲಿ ಶಿಕ್ಷಣ ಕ್ಷೇತ್ರದಲ್ಲಿ ದುಡಿದು ನಿವೃತ್ತರಾದ ಹಿರಿಯ ಐಎಎಸ್‌ ಅಧಿಕಾರಿಗಳಿದ್ದಾರೆ. ಅವರ ಸಲಹೆಯನ್ನು ಹಲವು ರಾಜ್ಯಗಳು ಪಾಲಿಸಿವೆ. ಈಗ ಕರ್ನಾಟಕವೂ ಅವರ ಸಲಹೆಯನ್ನು ಗಂಭೀರವಾಗಿ ಪರಿಗಣಿಸಲಿದೆ ಎಂದರು.