ಗಾಂಧೀಜಿ  ದೇಶದ ಸಂಪತ್ತು: ಸುಮಿತ್ರಾ ಗಾಂಧಿ ಕುಲಕರ್ಣಿ

Team Udayavani, Oct 3, 2018, 11:43 AM IST

ಬೆಂಗಳೂರು: ಗಾಂಧೀಜಿ ನಮ್ಮ ಕುಟುಂಬದ ಆಸ್ತಿ ಮಾತ್ರವಲ್ಲ, ಅವರು ಈ ದೇಶದ ಸಂಪತ್ತು ಎಂದು ಗಾಂಧೀಜಿ ಮೊಮ್ಮಗಳು ಸುಮಿತ್ರಾ ಗಾಂಧಿ ಕುಲಕರ್ಣಿ ಹೇಳಿದ್ದಾರೆ.

ಬೆಂಗಳೂರು ಪ್ರಸ್‌ಕ್ಲಬ್‌ನಲ್ಲಿ ಹಮ್ಮಿಕೊಳ್ಳಲಾದ ಗಾಂಧಿ ಜಯಂತಿ ಕಾರ್ಯಕ್ರಮದಲ್ಲಿ ಗಿಡ ನೆಟ್ಟು ಮಾತನಾಡಿದ ಅವರು, ಬಾಪೂಜಿ ತಮ್ಮ ಜೀವಿತಾವಧಿಯಲ್ಲಿ ದೇಶದ ಒಳಿತಿಗಾಗಿ ಅನೇಕ ಉತ್ತಮ ಕೆಲಸಗಳನ್ನು ಮಾಡಿದ್ದಾರೆ. ದೇಶವನ್ನು ಸದೃಢಗೊಳಿಸಲು ಮುಂದಿನ ಪೀಳಿಗೆಗೆ  ಮಾರ್ಗದರ್ಶನ ಮಾಡಿದ್ದಾರೆ ಎಂದರು.

ಈಗಿನ ಯುವ ಸಮೂಹ  ಗಾಂಧೀಜಿಯ ಸಂದೇಶಗಳನ್ನು ಜೀವನದಲ್ಲಿ ಅಳವಡಿಸಿಕೊಂಡು ಸಮಾಜದಲ್ಲಿ ಉತ್ತಮ ವ್ಯಕ್ತಿಗಳಾಗಿ ರೂಪುಗೊಂಡರೆ ಅದೇ ಈ ದೇಶದ ಜನತೆ ಅವರಿಗೆ ನೀಡುವ ಗೌರವವಾಗಿದೆ. ರಾಹುಲ್‌ ಗಾಂಧಿ ಹೋದೆಡೆಯಲ್ಲ ಬಾಪೂಜಿ ಹೆಸರು ಬಳಸುವ ಕುರಿತು ಪ್ರತಿಕ್ರಿಯಿಸಿದ ಅವರು, ಬಾಪೂ ನಮ್ಮ ಕುಟುಂಬಕ್ಕೆ ಮಾತ್ರವಲ್ಲ. ಇಡೀ ದೇಶದ ಮಹಾನ್‌ ಚೇತನ ಎಂದು ಹೇಳಿದರು.