ರಾಜ್ಯದಲ್ಲಿಂದು ಕೋವಿಡ್ ಪ್ರಕರಣಗಳ ಮಹಾ ಸ್ಫೋಟ : ಬರೋಬ್ಬರಿ 25795 ಹೊಸ ಪ್ರಕರಣ ಪತ್ತೆ

Team Udayavani, Apr 22, 2021, 7:02 PM IST

ಬೆಂಗಳೂರು : ಕರ್ನಾಟಕದಲ್ಲಿ ಮಹಾಮಾರಿ ಕೋವಿಡ್ ಅಟ್ಟಹಾಸ ಮುಂದುವರೆದಿದೆ. ಇಂದು ಒಂದೇ ದಿನ ಬರೋಬ್ಬರಿ 25795 ಜನರಲ್ಲಿ ಕೋವಿಡ್ ಸೋಂಕು ಕಾಣಿಸಿಕೊಂಡಿದೆ. ಅಲ್ಲದೆ ರಾಜ್ಯದಲ್ಲಿ ಇಂದು ಸೋಂಕಿಗೆ 123 ಜನರು ಕೋವಿಡ್ ಸೋಂಕಿಗೆ ಬಲಿಯಾಗಿದ್ದಾರೆ.

ಬುಧವಾರ ( ಏಪ್ರಿಲ್ 21) ಬಿಡುಗಡೆಯಾಗಿದ್ದ ವರದಿಗಳ ಪ್ರಕಾರ 23558  ಕೋವಿಡ್ ಹೊಸ ಪ್ರಕರಣಗಳು ಪತ್ತೆಯಾಗಿದ್ದವು. ಇಂದು ( ಏಪ್ರಿಲ್ 22) ಹೊಸ ಸೋಂಕಿತರ ಸಂಖ್ಯೆ 25795 ತಲುಪಿದೆ.

ಇನ್ನು ರಾಜ್ಯದಲ್ಲಿ ಇಂದು 5624 ಮಂದಿ ಕೋವಿಡ್ ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಇಲ್ಲಿಯವರೆಗೆ ರಾಜ್ಯದಲ್ಲಿ 1037857 ಮಂದಿ ಕೋವಿಡ್ ಸೋಂಕಿನಿಂದ ಗುಣಮುಖರಾಗಿದ್ದಾರೆ.

ಜಿಲ್ಲಾವಾರು ಕೋವಿಡ್-19 ಪ್ರಕರಣಗಳ ಸಂಖ್ಯೆ:

ಬಾಗಲಕೋಟೆ-134, ಬಳ್ಳಾರಿ-940, ಬೆಳಗಾವಿ 225, ಬೆಂಗಳೂರು ಗ್ರಾಮಾಂತರ-405, ಬೆಂಗಳೂರು ನಗರ-15244, ಬೀದರ್-396, ಚಾಮರಾಜನಗರ-271, ಚಿಕ್ಕಬಳ್ಳಾಪುರ-329, ಚಿಕ್ಕಮಗಳೂರು-146, ಚಿತ್ರದುರ್ಗ-142, ದಕ್ಷಿಣ ಕನ್ನಡ-474, ದಾವಣಗೆರೆ-157, ಧಾರವಾಡ-361, ಗದಗ-73, ಹಾಸನ-689,ಹಾವೇರಿ-46, ಕಲಬುರಗಿ-659,ಕೊಡಗು-156,ಕೋಲಾರ-587,ಕೊಪ್ಪಳ-121, ಮಂಡ್ಯ-385, ಮೈಸೂರು-818,ರಾಯಚೂರು-433, ರಾಮನಗರ-260, ಶಿವಮೊಗ್ಗ-207, ತುಮಕೂರು-1231, ಉಡುಪಿ-274,ಉತ್ತರ ಕನ್ನಡ-163,ವಿಜಯಪುರ-328,ಯಾದಗಿರಿ-111.