ಇಂದಿನಿಂದ ಕೊಡಗಿನಲ್ಲಿ ಲಾಕ್ ಡೌನ್ ತೆರವು; ಹೋಂ ಸ್ಟೇ, ರೆಸಾರ್ಟ್ ಮುಕ್ತ: ಅಶೋಕ್

Team Udayavani, Jul 8, 2021, 5:00 PM IST

ಬೆಂಗಳೂರು: ರಾಜ್ಯದಲ್ಲಿ ಅನ್ ಲಾಕ್ ಮಾಡಲಾಗಿದ್ದರೂ, ಕೋವಿಡ್ ಪ್ರಕರಣಗಳ ಸಂಖ್ಯೆ ಹೆಚ್ಚಾಗಿದ್ದ ಕಾರಣ ಕೊಡಗು ಜಿಲ್ಲೆಯಲ್ಲಿ ಲಾಕ್ ಡೌನ್ ಮುಂದುವರಿದಿತ್ತು. ಇದೀಗ ಅಲ್ಲಿ ಪಾಸಿಟಿವಿಟಿ ದರ ಕಡಿಮೆಯಾಗಿದೆ. ಅದಲ್ಲದೆ ಕೊಡಗನ್ನೂಅನ್ ಲಾಕ್ ಮಾಡುಂತೆ ಎಂದು ಅಲ್ಲಿನ ಜನಪ್ರತಿನಿಧಿಗಳು ಮನವಿ ಮಾಡಿದ್ದರು. ಹೀಗಾಗಿ ಇಂದಿನಿಂದ ಕೊಡಗಿನಲ್ಲಿ ಲಾಕ್ ಡೌನ್ ತೆರವು ಮಾಡಲಾಗುತ್ತಿದೆ ಎಂದು ವಿಧಾನಸೌಧದಲ್ಲಿ ಕಂದಾಯ ಸಚಿವ ಆರ್. ಅಶೋಕ್ ಹೇಳಿದರು.

ಇಂದಿನಿಂದ ಕೊಡಗು ಜಿಲ್ಲೆಯ ಲಾಕ್ ಡೌನ್ ತೆರವುಗೊಳಿಸಲಾಗಿದೆ. ಹೋಮ್ ಸ್ಟೇ,  ರೆಸಾರ್ಟ್ ಸೇರಿದಂತೆ ಎಲ್ಲದಕ್ಕೂ ಮುಕ್ತ ಅವಕಾಶ ನೀಡಲಾಗಿದೆ ಎಂದು ಅಶೋಕ್ ಹೇಳಿದರು.

ಇದನ್ನೂ ಓದಿ:ದೇಶದ ಕಾನೂನು ಸುಪ್ರೀಂ, ಟ್ವಿಟರ್ ನಿಮಯ ಪಾಲಿಸಲೇ ಬೇಕು: ಸಚಿವ ವೈಷ್ಣವ್

ಮಾಜಿ ಸಿಎಂ ಕುಮಾರಸ್ವಾಮಿ ಮತ್ತು ಸಂಸದೆ ಸುಮಲತಾ ನಡುವೆ ವಯಕ್ತಿಕ ಯುದ್ದ ನಡೆಯುತ್ತಿದೆ. ಪ್ಯಾಲಸ್ತೀನ್ -ಇಸ್ರೇಲ್ ಯುದ್ದದಂತಾಗಿದೆ. ದೇವೇಗೌಡರೇ ಮಧ್ಯಸ್ಥಿಕೆ ವಹಿಸಲು ತಯಾರಿಲ್ಲ ಎಂದು ಅಶೋಕ್ ಹೇಳಿದರು.

ಕೆಆರ್ ಎಸ್ ವಿಚಾರವಾಗಿ ಮಾತನಾಡಿದ ಅವರು, ಕೆಆರ್ ಎಸ್ ಬಿರುಕು ಬಿಟ್ಟಿಲ್ಲ, ಈ ವಿಚಾರವಾಗಿ ಯಾರೂ ಹೇಳಿಕೆ ನೀಡಬಾರದು ಎಂದರು. ಕೆಆರ್ ಎಸ್ ಸುತ್ತಮುತ್ತ ಗಣಿಗಾರಿಕೆ ನೀಷೇಧಿಸಲಾಗಿದೆ. ಅಕ್ರಮ ಗಣಿಗಾರಿಕೆ ನಡೆದರೆ ಕ್ರಮ ಖಚಿತ ಎಂದರು.