ರಾಗಿಗೆ ವಿಶ್ವ ಮನ್ನಣೆ: ದೇವೇಗೌಡರು ಖುಷ್‌

Team Udayavani, May 17, 2020, 6:18 AM IST

ಬೆಂಗಳೂರು: ಕರ್ನಾಟಕದ ರಾಗಿಗೆ ವಿಶ್ವಮನ್ನಣೆ ನೀಡುವ ಕೇಂದ್ರ ಸರ್ಕಾರದ ನಿರ್ಧಾರದ ಬಗ್ಗೆ ಮಾಜಿ ಪ್ರಧಾನಿ ಎಚ್‌.ಡಿ.ದೇವೇಗೌಡರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಕೇಂದ್ರ ಸರ್ಕಾರದ ತೀರ್ಮಾನದ ಬಗ್ಗೆ “ಉದಯವಾಣಿ’ ಜತೆ  ಮಾತನಾಡಿದ ದೇವೇಗೌಡರು, ರಾಗಿ ಕರ್ನಾಟಕದಲ್ಲಿ ಅತಿ ಹೆಚ್ಚು ಬೆಳೆಯುವ ಆಹಾರ ಧಾನ್ಯ. ಅದಕ್ಕೆ ವಿಶ್ವ ಮನ್ನಣೆ ಕೊಡುವ ಕೇಂದ್ರದ ತೀರ್ಮಾನ ಸ್ವಾಗತಾರ್ಹ.

ಆದರೆ, ಇದು ಬರೀ ಘೋಷಣೆಯಾಗದೆ ಸೂಕ್ತ ಕ್ರಮ  ಕೈಗೊಳ್ಳಬೇಕು. ಆಗ  ರಾಗಿ ಬೆಳೆಯುವ ರೈತರ ಸಂಖ್ಯೆ ಮತ್ತಷ್ಟು ಹೆಚ್ಚಾಗುತ್ತದೆ. ಜತೆಗೆ ರಾಗಿ ಬೆಳೆಯುವ ರೈತರಲ್ಲೂ ಹೆಮ್ಮೆ ಮೂಡುತ್ತದೆ ಎಂದು ತಿಳಿಸಿದರು. ರೈತನ ಮಗನಾಗಿ ಕರ್ನಾಟಕದಿಂದ ದೆಹಲಿಗೆ ಹೋಗಿ ಪ್ರಧಾನಿ ಪಟ್ಟ ಅಲಂಕರಿಸಿದ ನಾನು  ಸಹಜವಾಗಿ ರಾಗಿಯ ಬಗ್ಗೆ ಕಾಳಜಿ ವಹಿಸಿದ್ದೆ. ಬೆಳೆ ಗಳ ಅಂತಾ ರಾಜ್ಯ ಸಾಗ ಣೆಗೆ, ಗ್ರಾಮೀಣ ಮೂಲಸೌಕರ್ಯಕ್ಕೆ ಒತ್ತು ನೀಡಿದ್ದೆ ಎಂದು ಹೇಳಿದರು.