ಅಕ್ವೇರಿಯಂನಲ್ಲಿ 100 ಗ್ಯಾಲನ್‌ ಹಳೇ ನಾಣ್ಯ ಪತ್ತೆ

Team Udayavani, Aug 13, 2020, 5:48 AM IST

ಉತ್ತರ ಕರೊಲಿನಾ: ಕೋವಿಡ್ ಬಿಕ್ಕಟ್ಟು ಉದ್ಭವಿಸಿದ ಮೇಲೆ ಸಾಕಷ್ಟು ವ್ಯವಹಾರಗಳಿಗೆ ಚಿಲ್ಲರೆ ಸಮಸ್ಯೆ ಎದುರಾಗಿದೆ. ಆದರೆ, ಇಲ್ಲಿನ ಒಂದು ಅಕ್ವೇರಿಯಂನಲ್ಲಿ 100 ಗ್ಯಾಲನ್‌ ಹಳೇ ನಾಣ್ಯಗಳು ಪತ್ತೆಯಾಗಿವೆ.

ಪೈನ್‌ನಾಲ್‌ ಶೋರ್ನ ಅಕ್ವೇರಿಯಂ 5 ತಿಂಗಳಿಂದ ಬಂದ್‌ ಆಗಿತ್ತು. ಆದರೆ, ಅಕ್ವೇರಿಯಂ ಸಂಬಂಧಿತ ಹಲವು ಬಿಲ್‌ ಪಾವತಿ ಬಾಕಿ ಉಳಿದಿತ್ತು. ಈ ಹಿನ್ನೆಲೆಯಲ್ಲಿ ಸಂದರ್ಶಕರು ಅಕ್ವೇ ರಿಯಂ ಒಳಗೆ ಹಾಕಿದ “ಹಾರೈಕೆ’ ನಾಣ್ಯಗಳನ್ನು ಸಿಬ್ಬಂದಿ ಸಂಗ್ರಹಿಸಿದ್ದಾರೆ.

“30 ಅಡಿ ಎತ್ತರದ ಸ್ಮೋಕಿ ಮೌಂಟೇನ್‌ ಜಲಪಾತವನ್ನು ಬಂದ್‌ ಮಾಡಿ ನಾಣ್ಯ ಎಣಿಕೆ ಮಾಡಲಾಯಿತು. ಅಂದಾಜು 8.12 ಲಕ್ಷ ರೂ.ಸಂಗ್ರಹವಾಗಿದೆ. ಜನರ ಆಶಯಗಳಿಗೆ, ಕನಸುಗಳಿಗೆ ಎಷ್ಟೊಂದು ಬೆಲೆಯಿದೆ? ಈ ಹಣದಿಂದ ಕೆಲವು ತಿಂಗಳವರೆಗೆ ಅಕ್ವೇರಿಯಂ ನಿರ್ವಹಿಸಲು ಸಾಧ್ಯವಿದೆ’ ಎಂದು ಪೈನ್‌ನಾಲ್‌ ಶೋರ್ನ ಅಕ್ವೇರಿಯಂ ಫೇಸ್‌ಬುಕ್‌ ಖಾತೆ ಹೇಳಿದೆ. ನಾಣ್ಯಗಳ ಬೃಹತ್‌ ರಾಶಿಯ ಚಿತ್ರಗಳು ವೈರಲ್‌ ಆಗಿವೆ.